سپورټ فوټبال

نن ریال ماډریډ د سویا فوټبال ټيم سره سخته لوبه لري

د اسپانیا هیواد لالیګا لیګ د شلمي اونۍ په لوبو کي نن ماښام ریال ماډریډ د سویا فوټبال لوبډلي سره لوبیږي.

دا لوبه نن ماښام ۷:۳۰ بجې د ریال ماډریډ په کورني لوبغالي سانتیاګو برنباوو کي ترسره کیږي.

دې لوبي ته ریال ماډریډ او سویا فوټبال لوبډلو دواړو د پوره چمتوالي خبر ورکړی.

د دې لیګ په یوه بله مهمه لوبه کي بیا نن شپه ۱۲:۳۰ بجې ایبار او اتلاتیک ماډریډ فوټبال لوبډلي یو د بل په په وړاندي لوبیږي.

دا لوبه بیا د ایبار په کورني لوبغالي اپورا منسیپال کي ترسره کیږي.

سبا یکشنبه هم د یاد ټورنمنټ د ۲۰مي اونۍ په لوبو کي بارسلونا د ګراناډا سره لوبه لري.

دا لوبه د بارسلونا په کورني لوبغالي نیوکمپ کي ترسره کیږي.

بارسلونا به دا لوبه د یوه نوي روزونکي کیکه سټين تر روزني لاندي ترسره کړي.

بارسلونا کلب تېره اونۍ کي خپل روزونکی ارنسټو والورده د بدو پایلو له امله لیري کړ او پر ځای ئې کیکه سټين وټاکه.

د اسپانیا هیواد لالیګا لیګ د نمرو په جدول کي بارسلونا او ریال ماډریډ د ۴۰ نمرو په درلودلو سره لومړی او دوهم ځای لري، خو اتلاتیک ماډریډ بیا د ۳۵ نمرو په درلودلو سره درېیم ځای لري.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.