ټاکل سوې نن د یکشنبې په ماخستن د الکلاسیکو په نوم د نړۍ دوې قوي د فوټبال لوبډلي ریال ماډریډ او بارسلونا یو د بل په وړاندي ولوبیږي.
بارسلونا او ریال ماډریډ نن ماخستن ۱۲:۳۰ بجې د ریال ماډریډ فوټبال لوبډلي په کوربتوب سانتیاګو برنباوو فوټبال لوبغالي کي یو د بل په وړاندي لوبیږي.
دا لوبه د اسپانیا هیواد لالیګا لیګ د سیالیو څخه ده، چي دواړو لوبډلو ورته د پوه چمتوالي خبر ورکړی.
ریال ماډریډ د بارسلونا په وړاندي ننۍ لوبي ته دغه لوبغاړي رابللي:
ګول ساتونکي: تیبو کورتوا، آرئولا او توني فویدیاس.
دفاعي کرښه کي: کارواخال، راموس، واران، ملیتائو، مارسلو او مندي.
مرکزیان: کروس، کاسمیرو، والورده، مودریچ، ایسکو او والورده.
حمله کوونکي: بنزما، وازکز، ماریانو، بیل او وینیسیوس.
بارسلونا بیا د ریال ماډریډ په وړاندي دا لوبډله اعلان کړه:
ګول ساتونکي: تراشتگن او نیتو.
دفاعي کرښه کي: سمدو، پیکه، لنگلت، آلبا، اومتیتي او فیرپو.
مرکزي: راکیتیچ، بوسکتس، آرتور، ديیونگ، ویدال او کولادو.
حمله کوونکي: میسي، گریزمن، آنسوفاتي او مارتین برایت وایت.
د لالیګا لیګ د روان پړاو په سیالیو کي یو ځلي مخکي هم بارسلونا او ریال ماډریډ فوټبال لوبډلي سره لوبېدلي وې، چي هغه لوبه بیله کومي ګولوهني صفر په مقابل کي د صفر په مساوي ډول پای ته ورسېده.
هغه لوبه د بارسلونا فوټبال لوبډلي په کورني لوبغالي نیوکمپ کي ترسره سوې وه.
د بارسلونا او ریال ماډریډ فوټبال ټیمونو ترمنځ لوبه د نوري نړۍ ترڅنګ دلته ډېر افغانان هم په ژوندۍ بڼه ګوري.
د لالیګا لیګ د نمرو په جدول کي اوس بارسلونا د ۵۵ نمرو په درلودلو سره لومړی او ریال ماډریډ بیا د ۵۳ نمرو په درلودلو سره دوهم ځای کي شتون لري.
امریکا: د طالبانو بریدونو ته په کتو به د سرتېرو د ایستلو بهیر ورو شي
امریکا ویلي د طالبانو بریدونو ته په کتو ښايي د سرتېرو د ایستلو بهیر ورو شي. د امریکا ددفاع وزارت ویاند جان کربي په تازه څرګندونو کې ویلي سره له دې چې تر ټاکلې نېټې ... نور ولولئ
Be the first to comment