سپورټ فوټبال

نن بارسلونا یوه سخته لوبه په مخ کي لري!

د اسپانیا هیواد لالیګا لیګ د ۲۱مي اونۍ په لوبو کي نن ماښام ۷:۳۰ بجې بارسلونا د والینسیا فوټبال لوبډلي سره لوبیږي.

دا لوبه د والنیسیا فوټبال لوبډلي په کورني لوبغالي مستایا کي ترسره کیږي.

ننۍ لوبي ته دواړه لوبډلو پوره چمتوالی نیولی.

والینسیا د بارسلونا په څېر د لالیګا لیګ په ټورنمنټ کي یوه تکړه لوبډله بلل کیږي.

هاخوا د یاد لیګ په یوه بله مهمه لوبه کي سبا یکشنبه ریال ماډرید د لګانیس فوټبال لوبډلي سره میدان ته کښته کیږي.

دا لوبه د ریال ماډریډ په کورني لوبغالي سانتیاګو برنباوو کي سبا ماپښین ۳:۳۰ بجې ترسره کیږي.

د یاد لیګ د نمرو په جدول کي بارسلونا او ریال ماډریډ ۴۳ ـ ۴۳ نمرې لري، چي بارسلونا لومړی او ریال ماډریډ بیا دوهم ځای نیولی.

خو د یاد جدول په درېیم ځای کي بیا اتلاتیک ماډریډ لوبډله د ۳۵ امتیازونو په درلودلو سره شتون لري.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ