ننګرهار کې د پښتون ژغورنې غورځنګ په ملاتړ لوبې: نن ۹ مه لوبه وشوه

راپور: توحیدالله اخندزاده
د له ډیورنډ فرضي کرښې اخوا د پښتون غورځنګ په ملاتړ د ننګرهار ولایت غني خیلو ولسوالۍ په شیرګړ سیمه کې د کرکټ ستر تورنمینټ پيل شوی.
دا تورتنمینت چې ځوانانو په لاره اچولی، هدف یې د پښتون ژغورنې غورځنګ او ددې غورځنګ د سرلارې منظور پښتین ځیني ملاتړ ښودل دي.
نن ددې لوبو ۹ لوبه ترسره شوې چې احمد شاه ابدالې لوبډله د شیرګړ اتلانو پر وړاندې د سیالۍ لپاره میدان ته ښکته شوه.

د لوبی پچه د احمدشاه ابدالې لوبډلې لوبډلمشر وګټتله او خپله یې د توپ وهنې پریکړه کړه. په ټاکل شویو دولس اورونو کې د عزیز طوفان او احمد شاه اخترزي د نیمه سلیزو په مت یی د ۱۶۴ منډو هدف خپلﻱ سیالی لوبډلې ته ورکړ.

په لسګونو ځوانان او اوسیدونکي ددې لوبو نندارې ته راځي

د احمد شاه ابدالې لوبډلې لپاره احمد شاه ۵۲ او عزیز طوفان ۶۳ منډﻱ جوړې کړې. د شیرکړ اتلانو لپاره عبدالله دوه ویکتې واخیستې. د یاد هدف د پوره کولو لپاره د شیرګړ اتلانو لوبډلې توپ وهنه پیل کړه، خو د احمد شاه ابدالي لوبډلې د توپ اچونی ښکار شوه او ټوله لوبډله یی په ۹۴ منډو په اتم اور کې له لاسه ورکڔه.
هجرت د شیرګړ اتلانو څلور او شفاعت درې لوبغاړﻱ وسوځول او لوبه د ۷۰ منډو په توپیر د احمد شاه ابدالي لوبډلې وګټله.
د سیالیو موخه له پښتون ژغورنې غورځنګ ملاتړ ښودل شوی

باید وویل شي چې په دې سیالیو کې ۴۰ لوبې ګډون لري، د شینوار او مومندو په شمول د بیلابیلو ولسوالیو لوبډلې په کې ګډون لري.
دا سیالۍ دولس اوریزه دي، چې ۳۵ ورځې به دوام وکړي.

د نوي تړون په اساس نیمار ته د ورځې یو لک ډالر ورکول کیږي

لیکوال: محمد صابر حمیدي ، کندهار - برخه : سپورټ

د برازیل هیواد د فوټبال ملې لوبډلې او د فرانسوي کلب پاریسن جرمېن تکړه او نامتو بریدګر لوبغاړي نیمار د پاریسن جرمېن لوبډلې سره تېره شنبه تر ۲۰۲۵م کال پوري تړون وکړ او اوس به ... نور ولولئ