Advertisements
سپورټ فوټبال کرونا نړۍ

میسي او رونالډو د خپلو هیوادونو سره یو ـ یو میلیون یورو مرسته وکړه!

د نړۍ دوو قوي فوټبالرانو لیونل میسي او رونالډو په جلا ـ جلا ډول د کرونا ویروس سره د مبارزې په موخه د خپلو هیوادونو سره یو ـ یو میلیون یورو مرسته وکړه.

د آرجنټاین د هیواد د فوټبال ملي لوبډلي او بارسلونا کلب تکړه بریدګر لوبغاړي لیونل میسي د کرونا ویروس څخه د ساتني په موخه د خپل هیواد آرجنټاین او د اسپانیا هیواد بارسلون ښار سره د یو میلیون یورو مرسته وکړه.

په دې اساس به د میسي له لوري دا یو میلیون یورو مرسته به د بارسلون ښار او ارجنټاین هیوادونو ترمنځ وېشل کیږي.

هاخوا بیا د پرتګال هیواد د فوټبال ملي لوبډلي او یوونټوس کلب تکړه بریدګر لوبغاړي کریسټیانو رونالډو بیا د کرونا ویروس سره د مبارزې او د دې ویروس څخه د ځان ساتني په موخه د خپل هیواد پرتګال سره د یو میلیون یورو مرسته وکړه.

میسي او رونالډو په نړۍ کي هغه فوټبالران دي، چي له کاله تر نورو ټولو فوټبالرانو ډېر عاید لري او وخت ناوخته د بیلابیلو هیوادونو سره مرستي کوي.

دا دوه فوټبالران په نړۍ کي تر هر لوبغاړي ډېر مینوال لري او همدا یې علت دئ، چي د فوټبال میدانونه ئې همداسي له شوره ډک ساتلي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ