سپورټ کورنی کرکټ

ميس عينک په شپږيزه ليګ کي دويمه بريا خپله کړه.

لیکنه: مدثر دعوت

ليکنه: مدثر دعوت

د شپږيزي کريکټ ليګ څلورمه لوبه نن غرمه پايته ورسيده.

د بند امير او ميس عینک ترمنځ لوبه کي پچه ميس عينک لوبډلي وګټله او د توپوهني پريکړه يې وکړه.

ميس عينک د ۴ لوبغاړو په سوځيدو ۱۹۳ منډي هدف وټاکی.

رحمان الله ګوربز ۵۶، نورعلي ځدران ۷۷، طارق ستانکزي ۲۱ او شراف الدين اشرف ۱۷ منډي وکړې.

د بند امير لپاره مجیب الرحمن ۲، باطن شاه او جاويد احمدي يوه يوه ويکټه ترلاسه کړه.

د ۱۹۳ منډو هدف په تعقيب که څه هم عمران جنت په یوې منډي وسوځيدی،خو جاويد احمدي ۴۱، شوکت زمان ۵۴ او ناصرجمال ۳۹ منډي وکړې خو ټولي لوبډلي په پوره ۲۰ اوورونو کي ۱۸۳ منډي وکړې.

د ميس عينک لپاره نوين الحق ۲، محمدنبي، يمين احمدزي او نوراحمد يوه يوه ويکټه ترلاسه کړه.

ميس عينک د ۹ منډو په توپير د بند امير څخه لوبه وګټله.

د لوبي د غوره لوبغاړي جائزه نورعلي ځدران وګټله.

همدا اوس د کابل بازانو او سپين غر ترمنځ لوبه روانه ده.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.