سپورټ کورنی کرکټ نړیوال کرکټ

ممبی په سوپر اوور کي حيدر اباد ته ماته ورکړه.

لیکنه: مدثر دعوت
اعلان

ليکنه: مدثر دعوت

د هندوستان پریمرليګ ۵۱مه لوبه د حيدر اباد او ممبی تر منځ وه.

ممبی د لوبي پچه وګټله او توپوهنه يې انتخاب کړه.

حيدر اباد د اځل د راشد په ګډون محمدنبي ولوبوی او تکيه يې پر وکړه.

ممبی په پوره ۲۰ اوورنو کي د ۵ لوبغاړو په سوځيدو ۱۶۴ منډي هدف وټاکه.

روهيت شرما ۲۴، قوينټن ډيکوک ۶۹، او سريا کمار ياداو ۲۳ منډي وکړې.

د حيدر اباد لپاره بونيشورکمار او محمدنبي يوه يوه ويکټه ترلاسه کړه،او خليل احمد بيا ۳ لوبغاړي وسوځول.

د ۱۶۴ منډو هدف په تعقيب د حيدر اباد اوپنرانو په سم ډول خپل مسوليت ادا نه کړ.

مارټين ګوپټيل ۱۵ او ساحا ۲۵ منډي وکړې.

محمدنبي ۳۱ منډي وکړې او منيش پانډي ۷۱ ناسوځيدلي منډي وکړې،په وروستي توپ يې شپږيزه ووهله او لوبه يې سوپر اوور ته بوتله.

دا په روان کال کي دويم ځل دی چي لوبه سوپر اوور ته وزي.

د سوپر اوور لوبولو لپاره منيش پانډې او محمدنبي راووتله.

د بومرا په لومړي توپ منيش پانډې د دويمي منډي په هڅه کي وسوځيدی.

دويم توپ ته ګوپټيل ودریدی يوه منډه يې وکړه او محمدنبي ته وار ورسيدی.

محمدنبي په دريم توپ شپږيزه ووهله او په څلورم توپ بولډ اوټ سو.

حيدر اباد په سوپر اوور کي ممبی ته ۹ منډي هدف وتاکه.

حيدراباد پر راشدخان باور وکړ خو هاردیک پانډيا او پولارد په ۳ توپونو لوبه پايته ورسوله.

ممبی اينډينز په دې بريا سره وکولای سوله چي د دريمي لوبډلي په حيث پلې اف ته ولاړه سي.

جسپريټ بومرا د لوبي غوره لوبغاړی سو.

حيدراباد به د کلکتې، راجستان او پنجاب سره خپل زور مالوموي او تر پلې اف پوري به ځان رسوي.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.