مارچ 2, 2021

محمد نبي لمړنی افغان کرکټر شو !

د افغانستان د کرکټ ملي لوبډلې الراونډر لوبغاړی محمد نبي عیسی خیل د افغانستان د کرکټ په تاریخ کې لمړنی لوبغاړی شو، چې د ۵۰ اوریزه کرکټ په سیالیو کې ۲۰۰۰ منډې جوړې کړې.
نوموړي د متحده عربي اماراتو په شارجه کرکټ لوبغالي کې د افغانستان او زیمبابوې د کرکټ ملي لوبډلو ترمنځ د ۵ پنځوس اوریزه سیالیو لړۍ په دویمه لوبه کې د یوې ښکلې شپږیزې په وهلو سره ۲۰۰۰ منډې جوړې کړې، چې تر اوسه بل کوم افغان لوبغاړي لا نه دې جوړې کړې.

محمد نبي له زیمبابوۍ سره په روانو لوبو کې ښه توپوهنه کړې

محمد نبي عیسی خیل د افغانستان لپاره په ۸۸ سیالیو کې نمایندګي کړې ده، چې په ۷۹ اننګزونو کې لوبه کړې ده او ټولې ۲۰۰۳ منډې یې جوړې کړې دي.
نوموړی په دغه لوبیدونکو سیالیو کې په یوه سلیزې او ۹ نېمه سلیزو جوړولو سره بریالی شوی دی، چې تر ټولو لوړې منډې یې ۱۱۶ دي.
محمد نبي په دغه لوبو کې د افغانستان او ځان لپاره ۱۲۹ څلوریزې، ۶۶ شپږیزې او ۴۶ کیچونه هم ترلاسه کړي دي.
د یادونې وړ ده، چې د افغانستان او زیمبابوې د کرکټ ملي لوبډلو تر منځ د پیل شویو ۵ یو ورځینیو کرکټ سیالیو په لړۍ کې دوه لوبې ترسره شوې دي، چې په لمړۍ کې افغانستان او په دویمه سیالۍ کې زیمبابوې لوبډلې بریا خپله کړې ده.

نن د افغانستان او ترکیې د ډیپلوماتیکو اړیکو سل کاله پوره شول

لیکوال: عاقله اسد - برخه : افغانستان

د ترکیې د بهرنیو چارو وزارت ویلي، چې نن “دوشنبه” د ترکیې او افغانستان د ډیپلوماتیکو اړیکو سل کلونه پوره او دا سلمه کلیزه به په ګډه ونمانځي. رسنۍ وایي، چې د ترکیې د بهرنیو ... نور ولولئ