مارچ 8, 2021

محمد نبي عیسی خیل د بيګ باش سیالیو پيل په ویکټې وکړ

Advertisements

د افغانستان د کرکټ ملي لوبډلې الراونډر لوبغاړی محمد نبي عیسی خیل د اسټرالیا د بیګ باش سیالیو کې د ګډون په موخه اسټرالیا ته تللی دی، چې په لمړۍ لوبیدونکې لوبه کې یې پیل په توپ اچونې سره وکړ.
محمد نبي عیسی خیل د اسټرالیا بیګ باش سیالیو ته د ملبورن رینیګیډز لوبډلې په ګټه د ویسټ انډیزي سونیل ناراین پر ځای غوره شوی دی.
نوموړي د دغه لوبډلې او په خپلې لمړۍ لوبیدونکې سیالۍ کې د هوبرت هریکنز لوبډلې خلاف په ۴ اورونو ترسره کولو سره د یو لوبغاړي په سوځیدو ۲۵ منډې ورکړې، چې د بیګ باش سیالیو کې بهترینه توپ اچونه شمیرل کیږي.
د اسټرالیا د کورني کرکټ تر ټولو سترې تجارتي او په نړیواله توګه مشهوره ۲۰ اوریزه کرکټ سیالۍ چې هر کال ترسره کیږي، پکې دا ځل د افغانستان څخه هم دوه لوبغاړو محمد نبي عیسی خیل او راشد خان ګډون کړی دی، چې محمد نبي د ملبورن او راشد خان به د اډلایډ سټرایکرز لوبډلې په ګټه ولوبیږي.

د بیګ باش تجارتي کرکټ دې پړاو سیالۍ د روان ۲۰۱۷ م کال د همدې وروستۍ ډیسمبر میاشتې په ۱۹ مه نیټه پیل شوې او د ۲۰۱۸ م کال د فیبرورۍ میاشتې تر څلورمې نیټې به دوام وکړي.
په دې سیالیو کې د آډلایډ سټرایکرز، بریسبان هیټ، هوبرټ هریکنز، ملبرن رینګیډز، ملبرن سټارز، پیرت سکارتچرز، سډني سیکسرز او سډني تندرز لوبډلې شاملې دي.
 

فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ