محمدنبي بلاسټ کې دوه وېکټې واخیستې او لوبه یې وګټله

د انګلستان په وېټلېټي بلاسټ شل اوریزو لوبوکې افغان الراونډر محمدنبي عیسی خېل یو ځل بیا خپل جادو وښود او غوره توپ اچونه یې وکړه.

تېره شپه دورهم لوبډله د نارتمټن شایرلخوا په ۹ وېکټو ماته شوه او نارتمټن شایر لوبډلې په اوو لوبو کې خپله لومړۍ بریا ثبت کړه.

دورهم لوبډلې لومړی توپوهنه وکړه، دې لوبډلې په شل اورونو کې د ۵ وېکټو په نقصان سره ۱۵۷ منډې وکړې، چې شان ډېکسن پکې ۵۱ ناسوځېدلې منډې جوړې کړې.

محمدنبي عیسی خېل د نارتمټن شایر په ګټه په څلورو اورونو کې د ۲۴ منډې ورکړې او دوه وېکټې یې ترلاسه کړې.

هغه په ۶ ایکانومي توپ اچونه وکړه.

نارتمټن شایر لوبډلې هدف په اتلسم اوور کې د یوې وېکټې په لوېدو سره پوره کړ او دورهم ته یې په ۹ وېکټو ماته ورکړه.

د سویلي افریقا ریکارډو وېسکانسیلیوس ۷۸ ناسوځېدلې منډې او ادم روسېنګټن ۵۹ سوځېدلې منډې وکړې.

نن شپه لس بجې د مجیب الرحمن دې اړوند لوبډله مېډل سېکس له اېسېکس سره لوبه لري.

د جمعې په ورځ په دې لیګ کې ۱۶ لوبډلې د یو بل پر وړاندې لوبېږي، چې مجیب الرحمن، محمدنبي عیسی خېل، نوین الحق او قیس احمد به پکې شامل وي.

بلاسټ سیالۍ د جون په ۹ مه د ۱۸ لوبډلو په ګډون په انګلستان کې پیل شوی دي او د سپټمبر په ۱۸ مه پای ته رسېږي.

راشدخان هم انګلستان کې دی او د قرنطین شپې ورځې لنډوي او بیا سسېکس لوبډلې سره مل شي.

 

فرید هوتک؛ د پاکستان پر وړاندې اعلان شوي نوملړ سره ۸۵ سلنه افغانان موافق دي

by سمیع الله درانی in سپورټ

  د کرکټ بورډ ویاند فرید هوتک په خپله فیسبوکپاڼه لیکلي، چې د پاکستان پر وړاندې درېیوو یو ورځنیو لوبو ته له اعلان شوې لوبډلې ۸۵ سلنه هېوادوال راضي دي او یاده لوبډله یې وړ ... نور ولولئ