سپورټ

مجیب پنجاب ته بریا او پریټې یې بیا په خندا کړه

 د افغانستان د کرکټ ملي لوبډلې نوي ځوان لوبغاړي مجیب الرحمن د هندوستان د کورني کرکټ په یولسم پړاو «IPL» ۲۰ اوریزه کرکټ تجارتي سیالیو کې د راجستان رایلز لوبډلې خلاف د پنجاب لوبډلې په بریا کې مهم رول ولوبوو.

 د دغه لیګ په ۳۸ مه لوبه کې راجستان رایلز لوبډله د کینګز ایلیون پنجاب لوبډلې سره مخامخ شوه، چې پکې راجستان لوبډلې د خپلو ۹ لوبغاړو په سوځیدو د انګلستاني جوز بټلر د ۵۱ زیاتو منډو پر مټ په ۱۵۲ منډو جوړلو سره وتوانیده.

په سیالۍ کې د پنجاب لوبډلې په ګټه افغان لوبغاړي مجیب ځدران د خپلو ۴ اورنو په ترسره کولو د ۲۷ منډو په ورکړې سره ۳ لوبغاړي وسوځول او دغه لوبډله یې په مهم وخت کې را ایساره کړه.

 پنجاب لوبډلې په ځوابي لوبه کې د لوکیش راهول د ۸۴ ناسوځیدولو منډو جوړولو سره ورکړل شوی هدف د لوبې په ۱۹ اور کې پوره کړ او خپل مخکې تګ یې نور هم اسانه کړ.

په دغه لوبه کې مجیب ځدران د لوبې د غوره لوبغاړي جایزه خپله کړه او هم د دغه لیګ سیالیو د زیاتو ویکټو اخیستونکو په لیست کې د ۱۲ لوبغاړو په سوځولو سره څلورم مقام ته ورسید.

د مجیب د ویکټو او د پریټي د خوښیو ویډیو؛

 د پنجاب لوبډلې د یولسم پړاو «IPL» ۲۰ اوریزه کرکټ تجارتي سیالیو کې د خپلو ۹ لوبو څخه په ۶ لوبو کې بریاوې خپلې کړې او د پاتو ۵ سیالیو څخه یوازې په دوه لوبو کې بریا خپلولو سره بل پړاو ته لار پیدا کولی شي.

د دغه لیګ سیالیو په لمړي راونډ کې هره لوبډله ۱۴لوبې ترسره کوي، چې حد اقل یوه لوبډله د ۸ سیالیو په ګټلو سره راتلونکي بل پړاو ته لار پیدا کوي.

د لیکوال/ لیکوالې په اړه

احسان الله ساپی