سپورټ فوټبال

لیونل میسي په ۱۰۰ نړیوالو لوبغاړو کي لومړی راغلی

د آرجنټاین هیواد د فوټبال ملي لوبډلي او بارسلونا کلب تکړه لوبغاړی لیونل میسي دا ځلي مارکا هم د ۲۰۱۹م کال تر ټولو غوه لوبغاړی اعلان کړ.

لیونل میسي، چي ۲۰۱۹م کال خورا په بریالیتوب سره پای ته ورساوه د نورو بنسټونو ترڅنګ مارکا د ورزش په نړۍ کي یوې لویي ورځپاڼي هم لیونل میسي د تېر کال تر ټولو غوره لوبغاړی وټاکه.

د کال د غوره لوبغاړو د ټاکلو په موخه مارکا ورځپاڼي د ورزش د ټولو تکړه مبصرینو څخه رايي واخیستې، چي لیونل میسي د ۵۹ سلني رایو په خپلولو سره په لومړي ځای کي راغلی.

مارکا ۱۰۰ لوبغاړي ټاکلي وه، چي د فوټبال د مبصرینو رایي پر واخلي، خو لیونل میسي تر ټولو غوره لوبغاړی اعلان سو.

لیونل میسي تېره اونۍ کي د ورلډ ساکر لخوا هم د کال غوره لوبغاړی ټاکل سوی.

د نړۍ دې وتلي فوټبالر په تېر کال کي شپږم د سروزرو توپ او شپږم د سرو زرو بوټ ترڅنګ ګڼي نوري جایزې هم ترلاسه کړې.

د مارکا له لوري د تېر ۲۰۱۹م کال لس تر ټولو غوره لوبغاړي:

۱ـ لیونل میسي ۵۹٪

۲ـ کریم بنزما   ۱۰٪

۳ـ ویرجیل ون ډایک ۸٪

۴ـ فن ډایک ۸٪

۵ ـ کریسټیانو رونالډو ۷٪

۶ـ سعدیو ماني ۴٪

۷ـ فرمي ډي جونګ ۲٪

۸ ـ محمد صلاح ۲٪

۹ـ رحیم سټرلینګ ۱٪

۱۰ ـ آلیسون بکر ۱٪

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.