له پاکستانه مو ماته وخوړه او له نړیوال جام سره مو مخه ښه وکړه!

د ۱۹ کلنو ترمنځ د کرکیټ نړیوال جام وروستۍ کواټر پاینل لوبه نن جمعه افغان ۱۹ کلني کرکیټ ملي لوبډلي د پاکستان ۱۹ کلني کرکیټ ملي لوبډلي په وړاندي ترسره کړه، چي افغانستان په ۶ ویکیټو د پاکستان څخه ماته وخوړه.
په دې ماتي سره پاکستان نیمه پایلوبي ته لاره پیداکړه، خو افغانستان بیا د نړیوال جام څخه مخه ښه وکړه او وئې نسو کړای، چي نیمه پایلوبي ته ووځي.
په یاده لوبه کي پچه افغان لوبډلي وګټله او د توپوهني پرېکړه ئې وکړه.

افغان ۱۹ کلني لوبډلي د لوبي په ۴۹،۱ آورونو کي د ټولو لوبغاړو په سوځېدو سره پاکستان ته د ۱۹۰ منډو هدف وټاکی.
د افغان لوبډلي لپاره فرهان زاخېل ۴۰، عبدالرحمن ۳۰، رحمان الله خان ۲۹، عابد محمدي ۲۸ او محمد اسحاق بیا ۱۵ منډي جوړي کړې.

د پاکستان لپاره محمد عمیر خان درې او فهاد منیر دوې ویکیټي واخیستې، خو طاهر حسین، عباس افریدي، امیر علي او قاسم اکرم د افغانستان یو ـ یو لوبغاړی وسوځاوه.

کله چي د پاکستان لوبډله د هدف پوره کولو لپاره میدان ته کښته سوه، نو د افغانستان له لوري ورکړل سوی هدف ئې د لوبي په ۴۹،۱ آورونو کي د ۴ لوبغاړو په سوځېدو سره پوره کړ او په دې سره ئې افغانستان ته په ۶ ویکیټو کواټر پاینل لوبه کي ماته ورکړه.
د پاکستان لپاره محمد هریرا ۶۴،  محمد هارس ۲۹، حیدر علي ۲۸، قسیم اکرم ۲۵، روهیل نزیر بیا ۲۲ منډي جوړي کړې.
د افغانستان لپاره دوې ویکیټي نور احمد واخیستلي او دوه نور لوبغاړي بیا رن اوټ سول.

اوس د ۱۹ کلنو ترمنځ د کرکیټ نړیوال جام نیمه پایلوبي ته هند، نیوزیلینډ، بنګله دېش او پاکستان ۱۹ کلنو ملي لوبډلو لاره پیداکړه.
دا نړیوال جام د جنوري میاشتي په ۱۷مه نېټه د ۱۶ هیوادونو ترمنځ پيل سوی او د فیبروري میاشتي په ۹همه نېټه پای ته رسیږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




په هلمند کې تازه جګړو له ۹۰۰زیاتې کورنۍ بې کوره کړي

لیکوال: ياران، جلال اباد - برخه : افغانستان

لیکنه: ظریف الله ساحل د هلمند د کډوالو او راستنېدونکو چارو رئیس وايي’ له تېرې یکشنبې د تازه جګړو له کبله په سلګونو کورنۍ د هلمند بېلابېلو برخو ته کډه شوي دي. سید محمد رامین ... نور ولولئ