رسنۍ

د لومړي ځل لپاره د فوټبال په لوبغالي کې د جمعې لمونځ ادا کړل شو+ویډيو

دا چي کرونا ویروس په ټوله نړۍ کي خپور شوی، نو د دې ویروس څخه د ځان ساتني په موخه د روغتیا نړیوال سازمان د ګڼي ګوڼي پر ټولو ځایونو بندیز لګولی.

د دې بندیز څخه یې موخه دا وه،  چي د کرونا ویروس د پراختیا او انتقال مخنیوی وشي.

خو اوس تازه ځیني هیوادونه د پخوا حالت ته کرار کرار راګرځي او د مسجدونو ترڅنګ ګڼو نورو ځایونو ته هم روغتیایي سپارښتونو ته په پام کي نیولو سره اجازه ورکوي.

دا چي لا تراوسه په ترکیې هیواد کي مسجدونو ته د تلو اجازه نده ورکړل شوې، خو د تیري جمعې په ورځ سلګونه کسانو د جمعې لمونځ د مسجد پر ځای د فوټبال په یوه لوی لوبغالي کي ترسره کړ.

د İhlas Haber Ajansı خبري رسنۍ راپور ورکړ، چي سلګونه کسانو د جمعې لمونځ د مسجدونو د بندښت له امله د فوټبال په یوه لوبغالي کي ترسره کړ.

دا لومړی ځل دی، چي په نړیواله سطحه د فوټبال په یوه لوبغالي کي د جمعې لمونځ ادا کیږي.

ویډیو:

 

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ