افغانستان سپورټ فوټبال مخکښان نړۍ

لالیګا د افغان سندرغاړې اریانا سعید په وسیله ټولو افغانانو ته د نوروز مبارکي ویلې.

د اسپانیا هیواد فوټبال غوره لیګ (لالیګا) پر خپلي رسمي فیسبوک پاڼي د هیواد د وتلي نامتو سندرغاړې اریانا سعید یوه داسي ویډيو خپره کړې، چي په افغانستان کي ئې ټولو خپلو مینوالو ته د نوي کال مبارکي ویلې.

د فوټبال دا لیګ چي په افغانستان کي هم ډېر مینوال لري، نو د اریانا سعید په وسیله یې ۱۳۹۹ کال مبارکي ټولو افغانانو ته ویلې.

هغه ویډیو چي پرون یکشنبه لالیګا لیګ خپره کړه، پکښي افغان سندرغاړې اریانا سعید په انګلیسي ژبه خبري کړي او د ۱۳۹۹ کال مبارکي یې هیوادوالو ته ورکړې.

لالیګا لیګ د نورو هیوادونو ترڅنګ دلته افغانستان کي هم زیات شمېر مینوال لري.

په دې لیګ کي بارسلونا، ریال ماډریډ او اتلاتیک ماډریډ هغه درې لوبډلي دي، چي د یاد لیګ مخکښي لوبډلي دي او افغانستان کي زیات شمېر مینوال لري.


تر دې مخکي دې لیګ پر ټولنیزو رسنیو په مفت ډول هیوادوالو ته لوبي نشرولې.

د نورو نړیوالو لیګونو ترڅنګ د لالیګا لیګ لوبي هم تر نامعلومي مودې پوري د کرونا ویروس له امله ځنډېدلي.

په دې لیګ کي اوس د میسي لوبډله بارسلونا تر ټولو مخکي ده.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ