سپورټ نړۍ

قیس احمد اوس قرنطین، خو په کور کي تمرینونه کوي!

د افغانستان کرکیټ ملي لوبډلي ته تازه ټاکل سوی سلو توپ اچونکی قیس احمد د قرنطین په دې شپو ورځو کي اوس هم په خپل کور کي تمرینونه کوي.

د افغانستان کرکیټ بورډ پر خپلي رسمي فیسبوک پاڼه د قیس احمد ویډیو خپره کړې، چي هغه په یوه کوټّ کي په فزیکي تمرینونو بوخت دئ.

کرکیټ بورډ د قیس احمد د یادي خپرې سوي ویډيو سره لیکلي:

((د کرکټ ملي لوبدلې دغه ځوان لوبغاړى د کرونا وايرس دخپرېدو مخنيوي په موخه د نورو افغان لوبغاړو په څېر کور کې قرنطين دى خو د هميش چمتوالي په پار خپل تمرينات جاري ساتي. قيس احمد تاسې ته هم پېغام لري چې په کور کې پاتې شئ چې خوندي پاتې شئ.))

د افغانستان د کرکیټ ملي لوبډلي لوبغاړی قیس احمد اوس د ۱۹ کالو او ۲۲۸ ورځو دئ، چي د هیواد په ننګرهار ولایت کي زېږېدلی.

د ایرلینډ په وړاندي سریز کي له افغان لوبډلي سره قیس احمد په یوه لوبه کي ولوبېد.

قیس احمد په هماغه یوه شل آوریزه لوبه کي د ایرلینډ ۳ لوبغاړي وسوځول او د ۴ آورونو په بدل کي ئې ۲۵ منډي ورکړې.

قیس احمد هم د نورو افغان لوبغاړو ترڅنګ په یو شمېر بهرنیو لیګونو کي د بیلابیلو لوبډلو سره لوبېدلی او ښه ځلېدلی.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ