قزاقستان له افغانستان سره د ۵ زره ټنه اوړو مرسته اعلان کړه

قزاقستان افغانستان ته د پنځه زره ټنه اوړو د ورکړې ژمنه کړې ده.

د راپورونو له مخې د افغانستان لپاره د قزاقستان د ولسمشر ځانګړي استازي یرزان کازيخانوف د رییس الوزرا له مرستیال ملا برادر سره کتلي دي.

په دې لیدنه کې د دوه اړخیزو اړیکو پر پراختیا او نورو اړوندو مسایلو بحث شوی دی.

قزاقي لوري ډاډ ورکړی چې دوی تر خپلې وسې د افغانستان تر څنګ درېږي او بشري مرستو ته به ادامه ورکوي.

په دې لیدنه کې یرزان ملا برادر ته د پنځه زره ټنه اړو د مرستې سند هم ورکړی دی.

قزاقستان ویلي چې ژر به افغانستان ته د دغه اوړو د لېږد بهیر پیل شي.

د یادونې ده چې تېره ورځ ملا عبدالغني برادر په خپل کاري دفتر کې د افغانستان لپاره د قزاقستان له ځانګړي استازي ټالګاټ کلیوف او په امریکا کې د دغه هېواد له سفیر یرزان کاروخانوف سره لیدلي دي.

په دې لیدنه کې پر دوه اړخیزو اړیکو او اړوندو موضوعاتو خبرې اترې شوې دي.

د یادونې ده چې په دې وروستیو کې د ا.ا او سیمه ییزو هېوادونو ترمنځ راشه درشه ډېره شوې ده او پر مهمو اقتصادي موضوعاتو او دوه اړخیزو اړیکو یې یو بل سره بحثونه کړې دي.

About عاقله اسد 950 Articles
په کابل کې د یاران خبریاله