فبروري 27, 2021

فوټسال: افغان لوبډلي د ازبکستان څخه ماته وخوړه!

ليکنه: صابرحميدي
د مسئولینو په خبره د افغانستان د فوټسال ملي لوبډلي آسیایي سیالیو ته د لاري پیداکولو په موخه خپله لومړۍ لوبه پرون چهارشنبه د ازبکستان په وړاندي ترسره کړه، چي د یادي لوبډلي څخه ئې سخته ماته وخوړه.
د افغانستان فوټبال فدراسیون وايي، چي افغانانو په یاده لوبه کي ۶ ګولونه پر ۱ د ازبکستان څخه ماته وخوړه.

دا لوبه د ۲۰۲۰م کال ته د ټاکلو او د آسیا اتلولۍ لوبو ته د لاري پيداکولو په موخه ترسره سوه، چي په دې سیالیو کي دا د افغانستان لومړۍ لوبه وه.
افغان لوبډله به خپله دوهمه لوبه نن ماپښين ۲ بجې د تاجکستان په وړاندي او درېیمه لوبه به بیا سبا د جمعې په ورځ پر عیني وخت د نیپال په وړاندي ترسره کړي.
افغان لوبډله په دې سیالیو کي د ازبکستان، تاجکستان او نیپال هیوادونو سره په یوه ګروپ کي شتون لري.
د افغانستان د فوټسال ملي لوبډلي روزونکي عبدالرزاق ممرک وویل، چي افغان لوبغاړي به د پرونیو لوبو څخه ډېره بې تفاوته لوبه ترسره کړي او پرونۍ ستونزي به نن هواروي.
د ۲۰۲۰م کال انتخاباتي او د آسیا اتلولۍ لوبو ته د لاري پيداکولو په موخه د افغانستان په ګډون ۲۳ هیوادونو ګډون کړی.
یاد هیوادونه د آسیا د څلورو زونونو څخه دي.

وروستي مطالب