سپورټ فوټبال

فوټبال: کابل کي د ۱۴ کلنو ترمنځ لوبي پاي ته ورسېدې.

ليکنه: صابرحميدي

دوې اونۍ مخکي د افغانستان فوټبال فدراسیون په عمومي فوټبال لوبغالي کي د ۱۴ کلنو لوبغاړو ترمنځ د فوټبال لوبي پيل سوي وې، چي پرون شنبه د مکرویان لوبډلي په لومړي مقام خپلولو سره پاي ته ورسېدې.

د افغانستان فوټبال فدراسیون وايي، چي د مکرویان لوبډلي سره د یادو سیالیو پایلوبي ته رسول شهید لوبډلي لاره پیداکړې وه، چي د یادو لوبډلو ترمنځ لوبه ۱ ګول په مقابل کي د ۱ ګول په مساوي ډول پاي ته ورسېده او وروسته په پینالټیو کي مکرویانو لوبډلي بریا خپله کړه.

یاد فدراسیون وايي، چي پایلوبه مکرویانو ۵ پر ۴ وګټله.

د یادو سیالیو په پای کښي مقام لرونکو لوبډلو او غوره لوبغاړي ته د افغانستان فوټبال فدراسیون د مسئولنیو له لوري بیلابیلي جایزې ورکړل سوې.

په دې سیالیو کي د کابل ښار د بیلابیلو سیمو څخه ۱۰ لوبډلو ګډون کړی وو.

د افغانستان فوټبال فدراسیون سرپرست یوسف کارګر دا ډول سیالۍ خورا ګټوري وبللې.

هغه زیاته کړه، چي همدا لوبغاړي به راتلونکي کي د افغانستان په سني ملي لوبډلو کي لوبیږي او بیا به د وخت په تېرېدو سره افغان ملي لوبډلي ته لاره پيداکړي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.