د اسپانیا هیواد لالیګا لیګ د سیالیو په لړ کي تېره شپه ناوخته د نړۍ دوې قوي د فوټبال لوبډلي بارسلونا او ریال ماډریډ فوټبال لوبډلي یو د بل په وړاندي د سیالي ډګر ته کښته سوې، چي ریال ماډریډ ۲ ګولونه پر ۰ بارسلونا ته سخته ماته ورکړه.
په یاده لوبه کي د ریال ماډریډ لپاره وینسیوس جینیور د لوبي په ۷۱یمه او ماریانو بیا د لوبي په ۹۰یمه دقیقه کي ګولوهني ترسره کړې.
دا لوبه د ریال ماډریډ په کورني لوبغالي سانتیاګو برنباوو کي ترسره سوه.
په یاده لوبه کي دواړو ټیمونو ډېر د ګول چانسونه له لاسه ورکړه، خو بارسلونا د پخوا په پرتله ښه لوبه نکړه ترسره او برعکس ریال ماډریډ بیا تر پخوانیو لوبو خورا ښه وځلېدل.
د ریال ماډریډ او بارسلونا لوبډلو ترمنځ پرونۍ لوبي ته د ریال ماډریډ فوټبال لوبډلي پخوانی او د جیونټوس کلب اوسنی تکړه او نوموتی فوټبالر کریسټیانو رونالډو نژدې دوه کاله وروسته سانتیاګو برنباوو لوبغالي ته ورغلی وو او لوبه ئې له نژدې وکتله.
ریال ماډریډ په یادي بریا سره د بارسلونا څخه په لالیګا لیګ کي د جدول لومړی ځای ونیوی.
اوس د جدول په لومړي ځای کي ریال ماډریډ د ۵۶ نمرو په درلودلو سره لومړی ځای او بارسلونا بیا د ۵۵ نمرو په درلودلو سره دوهم ځای لري.
ریال ماډریډ او بارسلونا هغه دوې نړیوالي لوبډلي دي، چي د نورو هیوادونو ترڅنګ دلته افغانستان کي هم خورا زیات مینوال لري.
خلیلزاد: وروستی تاوتریخوالی وحشتناک و، طالبان دې دایمي اوربند وکړي
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ
لومړي کس و اوسه چې پر دې لیکنه نظر لیکي