سپورټ فوټبال

فوټبال: د ښځو ۲۳ کلني لوبډلي د ازبکستان څخه سخته ماته وخوړه.

ليکنه: صابرحميدي

د ښځینه وو ترمنځ د آسیا په مرکزي آسیایي سیالیو کي افغان ۲۳ کلني ښځینه لوبډلي خپله دوهمه لوبه پرون شنبه د ازبکستان ۲۳ کلني ښځینه لوبډلي په وړاندي ترسره کړه.

د ورکړل سوو معلوماتو له مخي، چي افغان لوبډلي ۱۰ ګولونه پر ۰ د ازبکستان څخه سخته ماته وخوړه.

د افغانستان فوټبال فدراسیون وایي، چي تر ۲۳ کلنو د کم عمره ښځینه لوبغاړو ترمنځ په آسیایي سیالیو کي دا د افغانستان دوهمه لوبه وه.

افغان ښځینه ۲۳ کلني ملي لوبډلي په خپله لومړۍ لوبه کي وړمه ورځ ترکمنستان ته ۲ ګولونه پر ۱ ماته ورکړه.

ټاکل سوې افغان ټیم په یاد ټورنمنټ کي خپله درېیمه لوبه سبا دوشنبه د تاجکستان په وړاندي، څلورمه لوبه راتلونکې سې شنبه د قرغزستان په وړاندي او پنځمه لوبه بیا راتلونکې پنجشنبه د ایران ۲۳ کلي ښځینه ملي لوبډلي په وړاندي ترسره کړي.

په دې سیالیو کي د افغانستان په ګډون کوربه تاجکستان، ترکمنستان، قرغزستان، ازبکستان او ایران شتون لري.

د ۲۳ کلنو څخه د کم عمره ښځینه لوبغاړو ترمنځ د فوټبال دا مرکزي آسیایي لوبي د تاجکستان په کوربتوب تېره جمعه پیل سوې او ۵ ورځي به دوام وکړي.

د یادو سیالیو د نمرو جدول!

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.