Advertisements
سپورټ فوټبال

فوټبال: د اروپا تر ټولو د قوي لیګ پچه اچونه ترسره سوه.

ليکنه: صابرحميدي

د اروپا د اتلانو فوټبال لیګ(چمپېنزلیګ) راتلونکي ۶۵م پړاو پچه اچونه پرون پنجشنبه د فرانسې په موناکو ښار کي ترسره سوه.

په یاد لیګ کي ۳۲ لوبډلي دي، چي په ۸ ګروپونو وویشل سوې او په هر ګروپ کي ۴ لوبډلي یو د بل په وړاندي د تګ او راتګ په ډول سره لوبیږي.

په لومړي ګروپ کي پي ایس جي، ریال ماډریډ، کلوب بروخه او ګالاتا سرای.

په دوهم ګروپ کي بایرن مونیخ، تاتنهام، المپیاکوی یونان او بلګراد.

په درېیم ګروپ کي منچسټر سیټي، شاختار ډونتسک، دینامو زاګراب او آتالانتا.

څلورم ګروپ کي جیونټوس، اتلاتیک ماډریډ، بایر لورکوزن او لوکوموتیو مسکو.

په پنځم ګروپ کي لیورپول، ناپولي، سالزبورګ او خنګ.

شپږم ګروپ کي بارسلونا، بورسیا دورتمند، اینټر او اسلاویا پراګ.

په اووم ګروپ کي زنیت، بنفیکا، المپیک لیون او آر بي لایپزیش.

او په اتم ګروپ کي بیا چلسي، آژاکس، والینسیا او لیل شتون لري.

دا لوبي د روان ۲۰۱۹ م کال د سپټمبر میاشتي په ۱۷مه پېلیږي.

د دې لیګ د تېر پړاو اتلولي لیورپول خپله کړه.

لیورپول په پایلوبه کي بلي انګلستانۍ لوبډلي تاتنهام ته ۲ ګولونه پر ۰ ماته ورکړه.

د دې ټورنمنټ زیاته اتلولي ریال ماډریډ خپله کړې.

دا لوبډله توانېدلې، چي ۱۳ ځلي د چمپېنزلیګ کپ ترلاسه کړي.

میلان ۷ ځلي، لیورپول ۶ ځلي، بارسلونا هم ۶ ځلي او بایرن مونیخ بیا ۵ ځلي په یاد ټورنمنټ کي لومړی مقام خپل کړی.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.