فوټبال: بارسلونا بریا، خو ریال ماډریډ بیا ماته وخوړه.

ليکنه: صابرحميدي
د هسپانیا هیواد لالیګا لیګ د نهمي اونۍ لوبو څخه پرون شنبه بارسلونا ـ ایبار ته ماته ورکړه، خو ریال ماډریډ بیا د مایورکا څخه ماته وخوړه.
د بارسلونا او ایبار فوټبال لوبډلو ترمنځ لوبه د ایبار په کوربتوب ترسره سوه، چي بارسلونا ۳ ګولونه پر ۰ کوربه لوبډلي ایبار ته سخته ماته ورکړه.

په یاده لوبه کي د بارسلونا لپاره ګریزماین د لوبي په ۱۳مه، لیونل میسي د لوبي په ۵۸مه او سواریز بیا د لوبي په ۶۶تمه دقیقه ګولوهني ترسره کړې.
د ریال ماډریډ او مایورکا ټیمونو ترمنځ لوبه بیا د مایورکا په کوربتوب ترسره سوه، چي ریال ماډریډ ۱ ګول پر ۰ د مایورکا څخه ماته وخوړه.

د مایورکا لپاره لاګو جینیور د لوبي په ۷مه دقیقه کي ګولوهنه وکړه.
د دې ټورنمنټ په یوه بله مهمه لوبه کي اتلاتیک ماډریډ او والینسیا لوبډلو لوبه ۱ ګول په مقابل کي د ۱ ګول مساوي پای ته ورسوله.

په دې لوبه کي بیا د اتلاتیک ماډریډ لپاره ډیګو کاسټا په ۳۵مه او د والینسیا لپاره ډي پاریجو په ۸۱یمه دقیقه ګولوهني ترسره کړې.
په پرونۍ بریا سره بارسلونا د ریال ماډریډ څخه د جدول لومړی ځای ونیوی.

اوس د لالیګا لیګ د نمرو په جدول کي بارسلونا د ۱۹ نمرو په درلودلو سره لومړی ځای، ریال ماډریډ د ۱۸ نمرو په درلودلو سره دوهم ځای، ګراناډا د ۱۷ نمرو په درلودلو سره درېیم ځای، اتلاتیک ماډریډ د ۱۶ نمرو په درلودلو سره څلورم ځای او ریال سوسیداد بیا د ۱۳ نمرو په درلودلو سره پنځم ځای لري.

په هلمند کې تازه جګړو له ۹۰۰زیاتې کورنۍ بې کوره کړي

لیکوال: ياران، جلال اباد - برخه : افغانستان

لیکنه: ظریف الله ساحل د هلمند د کډوالو او راستنېدونکو چارو رئیس وايي’ له تېرې یکشنبې د تازه جګړو له کبله په سلګونو کورنۍ د هلمند بېلابېلو برخو ته کډه شوي دي. سید محمد رامین ... نور ولولئ