سپورټ فوټبال

فوټبال: ایرانۍ نجوني ۴۰ کاله وروسته لوبغالي ته ولاړې.

ليکنه: صابرحميدي

د ایران حکومت ښځو ته د فوټبال په ورزشي لوبغالي کي اجازه نه ورکوله، چي لوبه له نژدې وګوري، خو تر ۴۰ کلني بندیز وروسته پرون لومړنۍ ورځ وه، چي ایرانۍ ښځي لوبغالي ته ولاړې او لوبه ئې له نژدې وکتله.

تېره شپه د ایران او کمبودیا فوټبال ملي لوبډلي د ایران هیواد په کوربتوب سره ولوبېدې، چي ایران ۱۴ ګولونه پر ۰ کمبودیا ته سخته ماته ورکړه.

ایران یادي ۱۴ ګولوهني د لوبي په ۵مه، ۱۱مه، ۱۸مه، ۲۲مه، ۳۶مه، ۴۰تمه، ۴۴تمه، ۴۹تمه، ۵۴مه، ۶۱تمه، ۶۵تمه، ۶۷، ۷۸یمه، ۸۵یمه او ۸۸یمه دقیقه کي ترسره کړې.

دا لوبه د ۲۰۲۲ نړیوال جام ته لاري پیداکولو په موخه ترسره سوه.

په دې لوبه کي په زرګونه ایرانۍ نجونۍ لوبغالي ته ولاړې او خپله ملي لوبډله ئې په خورا جذاب ډول هڅوله.

فیفا یا د فوټبال نړیوال فدراسیون پر ایران ډېر فشار واچاوه، چي نجوني دي د فوټبال لوبه له نژدې وګوري.

د ایران او کمبودیا ترمنځ پرونۍ لوبي ته د نارینه وو ترڅنګ په زرګونه ښځینه مینوالي هم ورغلي وې.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.