فوټبال: افغان ۱۷ کلنه ښځینه لوبډله تر سیالیو وروسته هیواد ته راستنه سوه.

ليکنه: صابرحميدي
د افغانستان د فوټبال ۱۷ کلن ښځینه ملي ټیم د هند په سبروتو کپ کي ګډون کړی وو، چي په یادو سیالیو کي تر ګډون وروسته د شنبې په ورځ هیواد ته راستون سو.

د افغانستان د فوټبال ۱۷ کلني ښځینه لوبډلي د یاد ټورنمنټ په لومړۍ لوبه کي د هند چندیګر ته ۳ ګولونه پر ۰ ماته ورکړه، دوهمه لوبه ئې د هند د ډهلي سره صفر پر صفر لوبه مساوي پای ته ورسوله او په درېیمه لوبه کې ئې بیا د ایرفورس په نوم یوې لوبډلي ته ۹ ګولونه پر ۰ سخته ماته ورکړې وه.

په دې سیالیو سره افغان ټیم نیمه پایلوبي ته لاره پیداکړې وه، خو په نیمه پایلوبه کي ئې د بنګله دېش څخه ۵ ګولونه پر ۰ ماته وخوړه او د سیالیو څخه ووت.
د سبروتو کپ په نوم د ۱۷ کلنو ښځینه لوبډلو ترمنځ دا لوبي تېره اونۍ د ۳۲ بېلابیلو آسیایي هیوادونو ترمنځ د هند په ډهلي ښار کي پیل سوي وې.
دا لوبي د هند د معارف له لوري هر کال په لاره اچول کیږی.
تر دې مخکي د سبروتو کپ په نوم دا سیالۍ د ۱۴ کلنو نارینه لوبغاړو ترمنځ ترسره سوې، چي افعان ۱۴ کلني ملي لوبډلي پکښي درېیم مقام خپل کړ.
اوس بیا د هند په کوربتوب د ۱۷ کلنو نارینه لوبغاړو سیالۍ رواني دي، چي افغان لوبډله د ګډون په موخه اوس هند کي ده.

دې لوبډلي دلته کابل کي پوره چمتوالی نیولی وو.

خلیلزاد: وروستی تاوتریخوالی وحشتناک و، طالبان دې دایمي اوربند وکړي

لیکوال: عاقله اسد - برخه : افغانستان

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ