روژه د اسلام د مبارک دین له پنځو بناو څخه ده چې لوی څښتن تعالی ج په هر مسلمان باندې په کال کې یوه میاشت فرض کړي.
د دې تر څنګ مسلمانانو ته په دغه میاشت کې د یو بل سره د ښو اخلاقو او ښې رویې سپارښتنه هم شوې.
روژه یوازې د خوراک څښاک څخه منعه کېدل نه دي، بلکي د لاس، ژبې او د بدن له نورو غړو څخه دې هم باید چا ته زیان ونه رسیږي.
روژه زیاتې دنیاوي او اخروي ګټي هم لري، چې په دنیا د انسان بدن ته ګټه رسوي او په اخرت کې ورته الله ج په سختۍ او مشکلاتو کې د نیول شوې روژې د نیولو اجر هم ورکوي.
خو دلته مو د روژې له هغو روغتیایې ګټو خبروو چې فرانسه کې روغتیا پوهانو د روژې په تړاوو له څېړنو وروسته په ډاګه کړي دي.
دې څېړنو ثابته کړې چې روژه د انسان بدن ته ډېره ګټه لري او د ډېرو ناروغیو په مقابل کې د انسان بدن پياوړي کوي.
د دغه څېړنو له مخې روژه ځیني ناروغۍ د صفر کچې ته راټیټولی شي او د سرطاني حجرو د فعالیت مخه نیسي.
دغه راز روژه د ژر زړېدو مخنیوی کوي او د وزن په کمولو کې مرسته کوي.
روغتیا پوهان د چاغښت د مخنیوي یعني د وزن د کمولو لپاره د روژې په نیولو ټینګار کوي، ځکه د روژې په نیولو سره د انسان مضره وازدې له منځه ځي.
د فرانسې هېواد د روغتیا پوهانو د څېړنو له مخې روژه د لوړ فشار لرونکو خلکو لپاره ښه علاج دی.
دغه راز ډاکټران وایي، روژه د مختلفو ناروغیو پر وړاندې د بدن دفاعي سیستم قوي کوي.
خلیلزاد: وروستی تاوتریخوالی وحشتناک و، طالبان دې دایمي اوربند وکړي
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ
