سپورټ نړیوال کرکټ

عزيز الله فضلي د کريکټ بورډ اداره په سمتي او عقدوي چلند تورنه کړه!

لیکنه: مدثر دعوت

ليکنه: مدثر دعوت

پرون د افغانستان کريکټ بورډ د غوراوي کميټې د ويسټ انډيز په وړاندي راتلونکو يو ورځنيو او ۲۰ اووريزو لوبو لپاره سکواډونه اعلان کړه.

د سکواډونو د اعلان سره سم ډيريو افغانانو د کريکټ بورډ له لوري اعلان سوي لوبډلو باندي نيوکي وکړې.

د دوی په نظر کريکټ بورډ هماغه پخواني لوبغاړي ياهم په دواړو سکواډونو کي خپلويو او انډيواليو ته لومړيتوب ورکړل سوی.

پداسي حال کي چي د شپږيزي غوره توپ اچوونکی او غوره توپوهونکی ندي اخیستل سوی او نه هم د منير کاکړ انتظار پایته ورسيدی.

د افغانستان د کريکټ بورډ پخواني رئيس عزيز الله فضلي هم د کريکټ بورډ وروستي سکواډونه د څو مواردو په ذکر کولو وغندله او کريکټ بورډ يې په سمتي او عقدوي چلن تورن کړ.

عزيزالله فضلي پر خپلي رسمي فيسبوک پاڼي ليکي:

((ګرانو هيوادوالو ؛

د افغانستان کرکټ بورډ غوراوي کميټې له لوري چې د ويست انديز په وړاندې د افغانستان لوبډلې سکواډ د شل آوريزه او يو ورځنۍ سياليو لپاره اعلان شوه د ځينو مستحقو لوبغاړو حق خورل شوی .

۱: مسعود نجات ، د يو ورځينو سياليو لپاره چې يو تکړه تيز توب اچوونکئ ده حق يې وه .

۲: منير کاکړ ، د يو ورځنيو سياليو لپاره ويکت ساتونکئ حق يې وه منير کاکړ د کورني کرکټ تکړه لوبغاړئ ده .

۳ : حشمت الله شهيدي ، د يو ورځينو سياليو لپاره حق يې جوړيدو .

۴:نور علي ځدارن ، چې د يو ورځنيو سياليو لپاره يې حق جوړيدو .

۵: محبوب بهير ، د يو ورځينيو سياليو لپاره حق يې جوړيدو د کورني کرکټ په سياليو کې مسلسل په ډول دير شه ځليږي.

پورته ۵ تنو لوبغاړو د ويست انديز په وړاندې په لوبډله کې نشتون د عقدوي ، سمتي چلند په بڼست شوی او درې نور لوبغاړي د ملګرتيا په بڼست لوبډله کې انتخاب شوي .

په هر حال د افغانستان ملي ټيم د بريا په هيله ، د عدالت لمر په راختو ده .))

اوس پوښتنه داده چي د افغانستان د کريکټ بورډ اوسني رئيس فرهان يوسفزي او د غوراوي کميټې مسول انډي مولز د خپلو دندو په پيل کي پر شفافيت او وړتيا ټينګار کړی وو خو اوس داسي ښکاري چي په ډير لږ وخت کي خلک ترې ناراضه دي.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.