سپورټ کورنی کرکټ

شپږيزه د کابل بازانو په بريا پيل سوه!

لیکنه: مدثر دعوت

ليکنه: مدثردعوت

د شپږيزي کريکټ ليګ پرون د کابل بازانو او بند امير ښامارانو په لوبه پيل سو.

د لوبي پچه کابل بازانو وګټله او لومړی يې د توپوهني پريکړه وکړه.

کابل بازانو وکولای سوه چي په پوره ۲۰ اوورونو کي د ۴ لوبغاړو په سوځيدو ۲۱۰ منډي هدف وټاکي.

حضرت الله ځاځي ۳۴، کريم جنت ۲۰ ،سميع الله شينواري ۴۱ او اصغر افغان ۹۲ منډي وکړې.

د بند امير لپاره مجيب الرحمن،باطن شاه،فطرت الله او فريد احمد يوه يوه ويکټه ترلاسه کړه.

بند امير لوبډلي د ۲۱۰ منډو هدف په تعقيب ښه پيل ونه کړ.

عمران جنت ۴ منډي وکړې،جاويد احمدي ۲۳ ،حيات الله ۴۱ او باطن شاه ۴۳ منډي وکړې،ټوله لوبډله په ۱۷۴ منډو کي وسوځيدله.

د کابل لپاره اميرحمزه ۲، يوسف ځاځي،کريم جنت،وقارسلام خيل او سميع الله شينواري يوه يوه ويکټه ترلاسه.

کابل بازانو د ۳۵ منډو په توپير بند امير ښامارانو ته ماته ورکړه.

اصغر افغان د ۹۲ منډو په کولو سره د لوبي د غوره لوبغاړي جايزه وګټله.

نن سهار ۰۹:۰۰ بجې د بست ساتونکو او ميس عينک ترمنځ لوبه ده.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.