مارچ 9, 2021

شفیق الله غفاري یو ځلي بیا افغان ۱۹ کلنه لوبډله بریا ته ورسوله.

Advertisements

د افغانستان ۱۹ کلني کرکیټ ملي لوبډلي د ۱۹ کلنو ترمنځ په نړیوال جام کي خپله دوهمه لوبه نن چهارشنبه د متحده عربي آماراتو په وړاندي ترسره کړه، چي په ۱۶۰ منډو توپير ئې متحده عربي آماراتو ته ماته ورکړه او د نړیوال جام دوهم پړاو ته ئې لاره پیداکړه.

د یادي لوبي پچه افغان لوبډلي وګټله او لومړی ئې د توپوهني پرېکړه وکړه.

افغان لوبغاړو په پوره ۵۰ آورونو کي د ۶ لوبغاړو په سوځېدو سره متحده عربي آماراتو ته د ۲۶۶ منډو هدف وټاکی.
ابراهیم ځدران ۸۷، رحمن الله ۸۱، محمد اسحاق ۳۵ او عمران میر بیا ۲۱ منډي جوړي کړې.

افغان تکړه ۱۹ کلنو توپ اچونکو متحده عربي آمارات لوبډله دې ته پرېنښوده، چي بریا خپله کړي او ټوله لوبدله ئې د لوبي په ۳۲،۴ آورونو کي د ۱۰۵ منډو په کولو سره وسوځوله.

شفیق الله غفاري د تیري لوبي په څېر یو ځلي بیا ښه وځلېد او د متحده عربي آماراتو ۵ لوبغاړي ئې وسوځول. د هغه ترڅنګ بیا درې ویکیټي نوراحمد واخیستلې.
د ننۍ لوبي غوره لوبغاړی یو ځلي بیا شفیق الله غفاري وټاکل سو.

افغان کرکیټ لوبډلي په دې سره د نړیوال جام دوهم پړاو ته په دوو لوبو کي د دوو بریاوو له امله لاره پیداکړه.
دې لوبډلي د تیري جمعې په ورځ کوربه سویلي افریقا ته سخته ماته ورکړې وه، چي په هغه لوبه کي هم شفیق الله غفاري ښه وځلېد او ۶ ویکیټي ئې واخیستې.
د هغې لوبي غوره لوبغاړی هم شفیق الله غفاري ټاکل سوی وو.
افغان ۱۹ کلنه لوبډله د نړیوال جام درېیمه او د ګروپ وروستۍ لوبه راتلونکې جمعې ورځ د کاناډا سره ترسره کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ