شعیب ملک د ویسټ انډیز په کورني لیګ کې لوبډلمشر ټاکل شوی 

 د پاکستان د کرکټ ملي لوبډلې د ۲۰ اوریزه سیالیو پخوانی لوبډلمشر الراونډر شعیب ملک د ویسټ انډیز د کورني کرکټ په «CPL» ۲۰ اوریزه تجارتي سیالیو کې د ګیانه امازون ویریرز لوبډلې د نوې لوبډلمشر په توګه ټاکل شوی دی.

د کارابین پریمېیر لیګ سیالیو د رسمي ویب پاڼې د معلوماتو له مخې د پاکستان د کرکټ ملي لوبډلې الراونډر لوبغاړی شعیب ملک به د ویسټ انډیز د کورني کرکټ په شپږم پړاو سیالیو کې د امازون لوبډلې سره د لوبډلمشرۍ دنده ترسره کړي.

د امازون لوبډلې د روزونکي افریقايي جان بوتا ویلي الراونډر شعیب ملک د پاکستان د کرکټ ملي او کورني کرکټ کې د کپتانۍ ترڅنګ د بنګله دیش د کورني کرکټ په «بي پي ایل»۲۰ اوریزه سیالیو کې هم تیر کال د کمیلا ویکټورینز لوبډلې سره د لوبډلمشري دنده ترسره کړه او د پوره پوره تجربې څخه برخمن او یو ښه لیډر دی، چې په سختو حالاتو کې د لوبډلې لپاره ګټور ثابت شوی دی.

 د «CPL» ۲۰ اوریزه کرکټ تجارتي سیالۍ د راتلونکې اګسټ میاشتې د اتمې نیټې څخه په ویسټ انډیز کې پیلیږي او د سيپټمبر میاشتې تر ۱۶ مې نیټې پورې به دوام وکړي.

د دغه سیالیو په ۶ م پړاو کې د (ګیانا امازون، سنټ لوشیا سټارز، نایټ رایډرز، بار باډوس، پیټریټز او جمیکا) ۶ لوبډلې شاملې دي او پکې به نایټ رایډرز د خپلې تېرې اتلولۍ څخه دفاع کوي.

په دې سیالیو کې تیر کال د افغانستان څخه دوه لوبغاړو محمد نبي عیسی خیل او راشد خان ګډون کړی و، خو سږ کال د بوختیاوو له کبله یې په دغه لیګ کې ګډون نه کوي.

بل خوا د افغان ۱۹ کلنې د کرکټ ملي لوبډلې ځوان لوبغاړی قیس احمد د راتلونکي شپږم سیزن کې د سنټ لوشیا سټارز لوبډلې لخوا د سیالیو لپاره اخیستل شوی دی، چې پکې د ګډون په موخه ویسټ انډیز ته تللی دی.




وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ