سریلانکا په لومړۍ یو ورځنۍ لوبه کي ویسټ انډیز ته ماته ورکړه!

د سریلانکا او ویسټ انډيز کرکیټ ملي لوبډلو ترمنځ د سریلانکا هیواد په کوربتوب د درو یو ورځنیو لوبو د لړۍ څخه ئې لومړۍ لوبه پرون شنبه ترسره سوه، چي سریلانکا په یوې ویکیټي ویسټ انډيز ته ماته ورکړه.

د یادي لوبي پچه یا ټاس کوربه سریلانکا وګاټه او خپله ئې د توپ اچوني پرېکړه وکړه.
ویسټ انډيز لوبډلي په ټاکلو ۵۰ آورونو کي د ۷ لوبغاړو په سوځېدو سره سریلانکا لوبډلي ته د ۲۹۰ منډو هدف وټاکی.
د ویسټ انډيز لپاره په یاده لوبه کي شې هوپ ۱۱۵، چېس ۴۱، براوو ۳۹ او کیمو پاول بیا ۳۲ منډي جوړي کړې.

د سریلانکا لپاره بیا اسورو ودانا ۳، خو نووان پردیف او تیسارا پریرا بیا یو ـ یو لوبغاړی وسوځاوه.
کله چي د سریلانکا لوبغاړي د هدف پوره کولو لپاره میدان ته کښته سول، نو د لوبي په ۴۹،۲ آورونو کي د ۹ لوبغاړو په سوځېدو سره ئې د ویسټ انډیز له لوري ورکړل سوی د ۲۹۰ منډو هدف پوره کړ او په یوه ویکیټ ئې بریا خپله کړه.
د سریلانکا لپاره بیا کرنارتاین ۵۲، پيماندو ۵۰، کوشان پریرا او هسرنجا ۴۲ او تیسارا پریرا بیا ۳۲ منډي جوړي کړې.

د ویسټ انډيز لپاره بیا الزاري جوسیف ۳، کیمو پاول او هیډن واش ۲ ـ ۲ او جېسن هولډر بیا ۱ لوبغاړی وسوځاوه.
ټاکل سوې دا دوه هیوادونه دوهمه یو ورځنۍ لوبه راتلونکې چهارشنبه ترسره کړي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




خلیلزاد: وروستی تاوتریخوالی وحشتناک و، طالبان دې دایمي اوربند وکړي

لیکوال: عاقله اسد - برخه : افغانستان

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ