سريلانکا د پاکستان څخه په پاکستان کي سيريز وګټی.

ليکنه: مدثر دعوت
د پاکستان او سريلانکا ترمنځ دويمه ۲۰ اووريزه لوبه تيره شپه ترسره سوه.
د غه لوبه چي د پاکستان د لاهور ښار په قذافي لوبغالي کي وه د لوبي پچه سريلانکا وګټله او د توپوهني پريکړه يې وکړه.

سريلانکايي لوبډلي وکولای سوه چي په پوره شل اوورونو کي د ۶ لوبغاړو په سوځيدو ۱۸۳ منډي هدف وټاکي.
دسريلانکا لپاره راجاپاکسا ۷۷، جاياسوريا ۳۴،شاناکا ۲۷ او ګوناتيلاکا ۱۵ منډي وکړې.

د پاکستان لپاره په توپ اچوونه کي عماد وسيم،وهاب رياض او شاداب خان يوه يوه ويکټه ترلاسه کړه.
د ۱۸۳ منډو هدف د پوره کولو لپاره پاکستان ښه پيل ونه کړ او په لومړنيو اوورونو کي يې ډير مهم لوبغاړي دلاسه ورکړه.
دپاکستان لپاره عماد وسيم۴۷، اصف علي ۲۹ او سرفراز احمد ۲۶ منډي وکړې پاسي حال کي چي ټوله لوبډله يې په ۱۹م اوور کي په ۱۴۷ منډو کي وسوځيده.

د سريلانکا لپاره پراديپ ۴، کاسارنګا ۳، اودانا ۲ او راجيتا يوه ويکټه ترلاسه کړه.
پاکستان د ۳۵ منډو په توپير د سريلانکا په وړاندي لوبه وبايله.
بهانوکا راجاپاسکا د لوبي د غوره لوبغاړي جائزه وګټله.

پاکستان خپله لومړنۍ شل اووريزه لوبه هم د سريلانکا په وړاندي په لوی توپير بايلوله.
سريلانکا د شل اووريزو لوبو لړۍ وګټله.
د سريلانکا دغه لوبډله چي د سيريز ګټوونکې سوه، تر ټولو ځوانه لوبډله ده پداسي حال کي چي د پاکستان لوبډله د پوره باتجربه لوبغاړو څخه جوړه وه.




وروستي مطالب

شکېب الحسن خپلې غوسې جرمانه کړ

by سمیع الله درانی in سپورټ

  د بنګله‌دېش پیاوړي الراونډر شکېب الحسن د جمعې په ورځ د بنګله‌دېش په داخلي ډیویژن لیګ لوبو کې د اېل بي ډبلیو اپیل څخه وروسته غوسه شو، وېکټې یې لومړی په لغته ووهلې او ... نور ولولئ