اپریل 16, 2021

رییس احمدزی: د ایرلینډ په وړاندې لوبغاړي ټول د وړتیاوو په اساس ټاکل شوي

Advertisements

لیکنه: محمدصابر حمیدي

د افغانستان کرکټ بورډ د غوراوي کمېټې پرون شنبه د کرکټ نړیوالې شورا د یو ورځنیو لوبو د لیګ په درشل کې د ایرلینډ پر وړاندې د دریو یو ورځنیو نړیوالو لوبو نوملړ اعلان کړ.

د افغان کرکټ بورډ له لوري په خپره شوې خبرپاڼه کې د بورډ ډایریکټر رییس احمدزي ویلي، چې ټول لوبغاړي د خپلې غوره وړتیا، فټنس او فزیکي تکړښت په پایله کې غوره شوي دي.

هغه ویلي:

«په دغه جوړښت کې ټولو وړ او با استعداده ځوانانو ته ځای ورکړل شوی، تر څو د کرکټ نړیوالې شورا د یاد لیګ په سیالیو کې بریاوې ترلاسه کړي او افغانستان کوالیفاینګ یا لارموندنې پړاو پرته د کرکټ د یو ورځنیو سیالیو ۲۰۲۳ کال جام ته لاره ومومي.»

د ایرلینډ په وړاندې اعلان شوې ۱۶ کسیزه لوبډله

اصغر افغان، رحمت شاه، نوین الحق، هشمت‌الله شهیدي، یمین احمدزی، عثمان غني، عضمت‌الله عمرزی، رحمن‌الله ګربز، سیداحمد شېرزاد، نجیب‌الله ځدران، جاوید احمدي، راشدخان ارمان، محمدنبي، ګلبدین نایب، مجیب‌الرحمن ځدران او شراف الدین اشرف.

افغان کرکټ بورډ وايي، چې د ایرلینډ په وړاندې افغان لوبډله درې یو ورځنۍ لوبه په روانه جنوري میاشت کې د افغانستان په کوربتوب عُمان هیواد کې ترسره کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




مصر کې ۳۰ کلن دود راژوندی کړل شو؛ روژماتي او ماښامي لپاره خلک په توپونو خبروي

لیکوال: مهر تاج - برخه : کلتور او هنر

Advertisements د صلاالدین ایوبي کلا توپونه وروسته له ٣٠ کلونو د روژه ماتي او پیشلمي د اعلان لپاره بیا چمتو شول. په روژه کې د توپونو پخوانیو کلونو کې د مصر په ګډون په ډیری ... نور ولولئ