ریکارډ؛ راشد خان د رسمي کرکټ په تاریخ کې لومړی کم عمره کپټان شو

ليکنه: مدثر دعوت
راشد خان د نړيوال کرکټ په تاريخ کې ترټولو کم عمره لوبډلمشر شو او په خپله لومړنۍ لوبډلمشرۍ کې يې د کريس ګېل په شتون کې ويسټ اينډېزۍ لوبډلې ته د نړيوال جام لپاره د غوراوي سياليو په تمريناتي لوبه کې د دولت ځدران په هيټريک سره ماتې ورکړه.
راشد وروسته له هغې موقت لوبډلمشر ټاکل کیږي چې د اپنډکس د جراحۍ له کبله اصغرستانکزی په راتلونکو لسو ورځو کې د لوبې کولو اجازه نلري.
ددغو لسو ورځو په مينځ کي به افغانستان لږ ترلږه درې لوبي ترسره کړي.
افغان کرکټ ملي لوبډله به په زيمبابوې کې د انګلستان په کوربتوب د ۲۰۱۹ز کال د ۵۰ اوريز کرکټ نړيوال جام سياليو ته د غوراوي په موخه چې د مارچ په څلورمه نېټه پيليږي، په (ب) ګروپ کې د سکاټلينډ، زيمبابوې، هانګ کانګ او نيپال کرکيټ ملي لوبډلو سره لوبې وکړي.

راشد خان چې د مارچ په څلورمه نېټه به د ۱۹ کلونو او ۱۶۵ ورځو په عمر شي، د نړيوال کرکټ په تاريخ کې به تر ټولو دویم کم عمره لوبډلمشر وي.
په داسې حال کې چې د بنګلدېشي کرکيټر راجين صالح د ۲۰ کلونو او ۲۹۷ ورځو په عمر وو چې د ۲۰۰۴ز کال په چمپينزټراپي کې لوبډلمشر وو، یعنې له راشد یې عمر زیات وو.
په ښځینه کرکټ کې هم تر اوسه پورې د راشد په څېر کم عمره لوبډلمشره نشته.
د انګلستان ښځينه کرکټ لوبډلمشره تر ټولو کشره لوبغاړې وه، چې په ۲۰۰۱ز کال کې د ۱۹ کلونو او ۲۶۰ ورځو په عمر د يو ورځنيو لوبو لپاره لوبډلمشره وټاکل شول.
راشد خان د يو ورځنیو او شل اوريزو لوبو د توپ اچوونکو په درجه بندۍ کې لومړی مقام لري، او هېره دې نه وي چې د يو ورځنيو لوبو د الراونډرانو په نوملړ کې هم څلورم مقام لري.

کرکټ بورډ وايي، تېرو دریو میاشتو کې یې له ۱۰۰ زیاتو شکایتونو ته رسیده‌ګي کړې

لیکوال: محمد صابر حمیدي ، کندهار - برخه : سپورټ

افغان کرکټ بورډ د یوې اعلاميې په خپرولو سره ویلي، د افغانستان کرکټ بورډ ادارې د چارو د لا ښه والي، د لا ډېر شفافیت د رامنځته کولو، ستونزو ته د رسیدګۍ او د ټولو ... نور ولولئ