سپورټ فوټبال

ریال ماډریډ د پاستژرمېن څخه سخته ماته وخوړه!

ليکنه: صابرحميدي

د اروپا د اتلانو فوټبال لیګ(چمپېنزلیګ) ۶۵م پړاو د سې شنبې په ورځ پيل سو، چي اته لوبي ئې په لومړۍ شپه او اته لوبي ئې بیا پرون چهارشنبه ترسره سوې.

په یادو لوبو کي کلب برګ د ګالاتاسرای سره، المپیاکاس د تاتنهام سره، پاستژرمېن د ریال ماډریډ سره، بایرن مونیخ د کریوینا زویډا سره، ډینامو ذاګریب د اتلانتا سره، شاختار ډونټسک د منچسټر سیټي سره، لوارکوزن د لوکوموټیو موسکوا سره او اتلاتیک ماډریډ بیا د جیونټوس سره ولوبېد.

د دې سیالیو له ډلي پاستژرمېن ۳ ګولونه پر ۰ ریال ماډرید ته سخته ماته ورکړه.

په یاده لوبه کي د پاستژرمېن لپاره دوې ګولوهني ډیماریا د لوبي په ۱۴مه او ۳۳مه دقیقه کي ترسره کړې او پاته یو ګول بیا توماس مونیر په ۹۰یمه دقیقه کي ولګاوه.

دا لوبه د پاستژرمېن په کوربتوب ترسره سوه

په بله مهمه لوبه کي بیا جیونټوس لوبه ۲ ګولونه په مقابل کي د ۲ ګولونو د اتلاتیک ماډریډ سره مساوي کړه.

په دې لوبه کي د جیونټوس لپاره کوډراډو په ۱۵مه او ماټوډي بیا په ۶۵تمه دقیقه کي ګولوهني وکړې.

د اتلاتیک ماډریډ لپاره بیا سټیپان سویس په ۷۰یمه او هیکټور هیریرا په ۹۰یمه دقیقه کي ګولونه ولګول.

دا لوبه بیا د اتلاتیک ماډریډ په کورني لوبغالي کی ترسره سوه.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.