سپورټ فوټبال

ریال ماډریډ او والینسیا فوټبال ټیمونو هم لوبه مساوي کړه!

د اسپانیا هیواد لالیګا لیګ د ۱۷مي اونۍ په لوبو کي تېره شيه ریال ماډریډ او والینسیا فوټبال لوبډلي سره ولوبېدې، چي دې دوو لوبډلو لوبه مساوي پای ته ورسوله.

دا لوبه ۱ ګول په مقابل کي د ۱ ګول مساوي سوه او ریال ماډریډ په ډېري سختۍ سره بایللې لوبه مساوي کړه.

په یاده لوبه کي لومړی ګول د والینسیا لپاره کارلوس سولر د لوبي په ۷۸یمه دقیقه کي وواهه.

ریال ماډریډ ته بیا کریم بنزیما د لوبي په ۹۰یمه دقیقه کي ګول وواهه او خپله لوبډله ئې له ماتي وژغورله.

وړمه شپه بیا بارسلونا د ریال سوسیداد سره لوبه ۲ ګولونه پر ۲ ګولونو مساوي کړه.

ریال ماډریډ که پرونۍ لوبه ګټلې وای نو د جدول لومړی ځای ئې خپلوی.

خو اوس د جدول په لومړي ځای کي بارسلونا، دوهم ځای کي ریال ماډریډ، درېیم ځای کي سویا، څلورم ځای کي ختافه او پنځم ځای کي بیا اتلاتیک ماډریډ شتون لري.

ها خوا راتلونکې چهارشنبه د نړۍ تر ټولو ستره لوبه ترسره کیږي.

دا لوبه د ریال ماډریډ او بارسلونا ده، چي د الکلاسیکو په نوم نومیږي.

ریال ماډریډ او بارسلونا راتلونکې چهارشنبه ماخستن ۱۱:۳۰ بجې سره لوبیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.