که څخه هم د یوونټوس لوبډلي څخه رونالډو خپله تنخوا راکمه کړې، خو هغه به ډېر ژر د نړۍ تر ټولو شتمن فوټبالر سي.
ایټالوی کلب یوونټوس اوس له سختو مالي ستونزو سره مخ دئ، چي په همدې موخه اوس د رونالډو ترڅنګ د دې لوبډلي نورو لوبغاړو پرېکړه کړې، چي د خپلي لوبډلي سره د تنخوا په کمولو کي مرسته وکړي.
په دې سره به یونټوس کلب ته ۱۱۵ میلیونه یورو ګټه ورسیږي.
د پرتګال او یوونټوس کلب نوموتی لوبغاړی کریسټیانو رونالډو به په ټولیزه توګه ۴ میلیونه افغانۍ تنخوا د کرونا ویروس له امله د خپلي لوبډلي څخه وانخلي.
خو د فوربس نړیوالي مجلې د راپور په حواله رونالډو، چي له فوټباله جلا له خپلي سوداګرۍ او اعلاناتو څخه پيسې ترلاسه کوي له کاله یو ـ یو میلیارد ډالره دي، چي په دې سره به ډېر ژر د نړۍ تر ټولو شتمن فوټبالر اعلان سي.
په راپور کي راځي، چي هغه تېر ۲۰۱۹م کي ۱۰۰ میلیونه یورو پيسې ترلاسه کړې، چي ۶۰ میلیونه یورو د یوونټوس څخه او پاته ۴۰ میلیونه یورو ئې بیا د اعلاناتو او سوداګرۍ څخه ترلاسه کړي دي.
یاد راپور کاږي، چي د رونالډو شخصي بودیجه به ډېر ژر یو میلیارد ډالرو ته ورسیږي او په دې سره به د فوټبال په تاریخ کي لومړنی، خو درېیم ورزشکار به وي، چي دې رقم ته ځان رسوي.
اوس د سوک وهني لوبغاړی فلویډ مي وډر لومړنی او د ګلف لوبي لوبغاړی ټایګر ووډز د نړۍ دوهم شتمن ورزشکار دئ.
هاخوا بیا رونالډو تر میسي او نیمار وروسته درېيم فوټبالر دئ، چي په ۳۵ کلنۍ کي ډېر عاید د خپل کلب څخه ترلاسه کوي.
تبصره مو ولیکئ