افغانستان کرونا

روغتیا وزیر: کرونا ویروس به هیواد کي تر ډیسمبر میاشت پوري وي!

هېواد کې د کرونا ویروس د پېښو له لوړېدو وروسته روغتیا وزارت ددغه ناروغۍ په وړاندي د لا زيات چمتوالي خبره کوي.

د عامي روغتیا وزیر فېروزالدين فيروز د سې شنبې په ورځ کندهار کې خبريالانو ته وویل، چې د هېواد په کچه د کرونا ويروس د محوې لپاره هڅي همږغي او چټکي شوي او اټکل دا دی، چې دغه ناروغي به د روان ۲۰۲۰ کال تر ډیسمبر میاشت پوري په افغانستان کي وي.

فیروز زیاته کړه:

((زما وړاندوینه داده، چي کرونا ویروس به تر ډیسمبر میاشت پوري په افغانستان کي وي، که څه هم دا وړاندوینه تر اوسه صحیح او حقیقت نلري.))

فيروز همداراز وايي، چې د کرونا ويروس د مخنیوي لپاره د کندهار په سپين بولدک، د ننګرهار په تورخم او ځینو نورو سرحدي سيمو کې تدابير زيات شوی او هېواد ته راتلونکي کسان هم په جدي توګه څارل کیږي.

د روغتیا وزیر وایي کندهار کې يې طبي امکانات زيات کړي او هغه لابراتوار يې هم پرانيستی، چې د کرونا ويروس د معلومولو لپاره ځانګړی شوی دی.

پر همدې مهال د کندهار ولایتي چارواکي وایي د کرونا ناروغۍ لپاره ځانګړې شوې بودیجه به له لېږد وروسته د عامه پوهاوي، روغتيایي تجهيزاتو د رانيولو او بشري مرستو په برخو کې ولګوي.

په هېواد کې تر دې دمه د کرونا ويروس ۴۲۳ مثبتي پېښي ثبت شوي، چې زيات يې هرات او کندهار ولایتونو کې دي.

دغه وېروس لومړی د چین له اووهان ښار نه خپور، چې اوس ټولي نړۍ ته رسېدلی دی.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ