راشدخان نن د رسنیو د سر ټکی وو

راشدخان چې د چهارشنبې او پنجشنبې په ورځو کې د پاکستان په سوداګریزو کرکټ لوبو کې په پرله ډول د اسلام اباد یونایټېډ او پېښور زلمي لوبډلو پروړاندې د غوره کارکرده ګۍ له امله د لوبې غوره لوبغاړی اعلان شو؛ نو اوس د نړۍ ډېری فیسبوک پاڼو، وېب پاڼو او ټویټراکاونټونو باندې د هغه غوره کارکرده ګي لیکل شوې ده.

د سپورټ ۳۶۰ په نامه یوې فیسبوک پاڼې په خپل پوسټ کې د راشدخان داسې یو عکس ډیزاین کړی او خپور کړی، چې اته ځایه پکې د راشدخان څېره ده او اته ډوله لباس یې پرتن دی، دا د دې ښکارندويي کوي، چې راشدخان د نړۍ په سترو لیګونو کې لوبېدلی او مختلف لباسونه یې پرتن کړي دي.

یعنې په غېرمستقیم ډول یې د ده وړتیا اشاره کړې ده.

کرېک سېټ پي کی

د کرېک سېټ پي کی په نامه فیسبوک پاڼې لیکلي دي، چې سهیل اختر د لاهور قلندرز لوبډلې توپوهونکی خوښ دی، چې راشدخان په شپږم پړاو پي‌اېس‌اېل کې لري.

«سهیل اختر ویلي دي چې راشدخان د نړۍ د غوره لوبغاړو څخه یو دی، واړه لوبغاړي کولای شي، چې د هغه له تجربو څخه ګټه واخلي، زموږ لوبډله به هم د هغه له لوبو فایده پورته کړي او خپله غوره کارکرده ګي به وړاندې کړي».

ګراس روټ کرکټ

د ګراس روټ کرکټ په نامه فیسبوک پاڼې لیکلي، چې د ۲۰۲۰ م کال راهیسې په شل اوریزو لوبو کې درې مخکښ وېکټ اخیستونکي، راشدخان ۸۱ وېکټې، حارث روف ۷۱ او شاهین افریدي ۶۶ وېکټې ترلاسه کړي دي.

دوی درې واړه اوس په لاهور قلندرز لوبډله توپ اچوونکي دي.

د پاکستان سوپرلیګ

د پاکستان سوپرلیګ په نامه پاڼې لیکلي، د چهارشنبې په ورځ د اسلام اباد لوبډلې خپله مقابله پیل کړې وه؛ خو بهترین راشدخان خو اغېزناک او قیمتي راشدخان بریا د لاهور قلندرز کړه.

راشدخان په دې لوبه کې یوه وېکټ اخیستې وه، ۴ اورونو کې یې ۹ منډې ورکړې او ۱۵ ناسوځېدلې منډې یې هم کړې وې.

ابو ظبي کرکټ

د ابو دبي کرکټ په نامه پاڼې لیکلي، چې وروستۍ څو دقیقې د راشدخان د اتلولۍ وې، راشدخان د ۵ لوبغاړو په سوځولو سره لاهور لوبډله د جدول سرته ورسوله.

د هندوستان اېن ډي ټي وي

د این ډي ټي وي په نامه وېب پاڼې لیکلي، چې وګوره راشدخان خپله جادويي توپ اچونه وکړه او پېښورزلمي لوبډله یې د ۲۰۲۱ کال په لیګ کې له مخې پورته کړه.

د پي‌اېس‌اېل وېب پاڼه

دې وېب پاڼې د راشدخان خبرې راخیستي دي، « راشدخان ویلي دي زه له تېرو څلورو یا پنځه کلونو د نړۍ په مختلفو لیګونو کې لوبېږم، ما ډېره تجربه ترلاسه کړې ده، پي‌اېس‌اېل لیګ زما لپاره د نړۍ درېیم غوره لیګ دی».

د حیدراباد لوبډله

د حیدراباد لوبډلې د راشدخان د ۲۰۱۷ کال توپ اچونه راخیستې او لیکلي یې دي، چې په دې کال راشدخان د ویسټ انډیز د توپوهنې لاین اپ یا کرښې ماتې کړې، لومړی یې دوه وېکټې واخیستې او بیا یې پنځه نور وسوځول.

ډېری نورو رسمي فیسبوک پاڼو او وېب پاڼو د راشدخان ستاینه کړې او هغه یې د نړۍ یو غوره کرکټر بللی دی.




وروستي مطالب

تیم‌سوتي: روهیت شرما په درې‌واړه فارمټونو کې فوق‌العاده لوبغاړی دی

by محمد صابر حمیدي ، کندهار in سپورټ

د نیوزیلینډ د کرکټ ملې لوبډلې تېز توپ‌اچونکي تیم سوتي تازه په یوې مرکه کې د هند کرکټ ملې لوبډلې او د هند ملې لوبډلې د تکړه لوبغاړي روهیت شرما په اړه څرګندونې کړي. تیم ... نور ولولئ