سپورټ کورنی کرکټ نړیوال کرکټ

د RCB مينوال مايوسه سوه

لیکنه: مدثر دعوت

ليکنه: مدثر دعوت

 

د هندوستان پريمر ليګ په ۳۱مه لوبه کي ممبی انډينز د بنګلور څخه په ۵ وکيټو لوبه وګټله.

د لوبي پچه ممبی وګټله او د توپ اچووني پريکړه يې وکړه.

د بنګلور اوپنر توپوهونکو د توجه وړ ملګرتيا ونکړله.

ويرات کهولي په ۸ منډو او پټيل بيا په ۲۸ منډو وکيټه دلاسه ورکړله.

اې بي ډيولرز چي د پنجاب په وړاندي يې غوره توپوهنه ترسره کړې وه، د ممبی په وړاندي يې هم خپل مسؤليت ادا کړ.

اې بي د بنګلور لپاره په ۵۱ توپونو ۷۵ منډي وکړلې،۴ شپږيزي او ۶ څلوريزي يې ووهلې.

ډیويلرز د معین علي سره په ګډه لوبډله د بد حالت څخه و ايستله.

معین علي هم په ۳۲ منډو ۵۰ منډي وکړلې، ۵ شپږيزي او يوه څلوريزه يې ووهله.

خو د اې بي او معین علي تر سوځيدو وروسته ملينګا د بنګلور په توپوهونکو لو ګډ کړ.

سټونیس په صفر،نات په ۲ او نيګي هم په صفر منډو د ملينګا له لوري وسوځيدله.

محمدسراج او اومیش یادو په لوبغالي کي ولاړ وه چي توپونه پر خلاص سوه او دوی دواړه هم په صفر له میدانه ووتله.

د ممبی لپاره بیهرنډرف يوه وکيټه،هاردیک پانډیا هم یوه وکيټه ترلاسه کړله.

خو لاسیت ملینګا چي په وروستي اوور کي يې د بنګلور ۳ وکيټی واخيستلې، ويې سول کولای چي په ۴ اوورونو کي د ۳۱ منډو په ورکولو سره ۴ لوبغاړي وسوځوي.

بنګلور د ۷ لوبغاړو په سوځولو سره ممبی ته ۱۷۲ منډي هدف ورکړ.

بنګلور د ۷ لوبغاړو په سوځيدو سره ممبی ته ۱۷۲ منډي هدف وټاکی.

د ممبی ټولو توپوهونکو د اړتيا وړ منډي وکړلې.

د دواړو پيلوونکو توپوهونکو له لوري په پاور پلې کي ۶۵ منډي وسولې نوځکه پاته لوبه د منځنيو توپوهونکو لپاره اسانه سوله.

په اوپنينګ کي روهیت شرما ۲۸ او ډيکوک ۴۰ منډي وکړلې.

ددوی تر سوځيدو وروسته سریا کمار یاداو ۲۹ او ایشان کيشن ۲۱ منډي وکړلې.

کرونال پانډيا ۱۱ خو هاریک پانډيا په ۱۶ توپونو ۳۷ منډي وکړلې او لوبډله يې بريا ته ورسوله.

د بنګلور لپار محمد سراج يوه وکيټه، چاهال دوې وکيټي او معین علي په ۴ اوورونو کي ۱۸ منډي ورکړلې او ۲ وکيټي يې ترلاسه کړلې.

ممبی انډينز په ۵ وکيټو بنګلور ته ماته ورکړله.

لاسيت ملینګا د ۴ وکيټو په اخيستو سره د لوبي د غوره لوبغاړي جايزه وګټله.

بنګلور په روان IPL کي په ۸ لوبو کي ۷ لوبي بايللي دي،که څه هم نوري لوبي يې پاته دي خو بل پړاو ته د تګ چانس نلري.

خو ممبی انډينز بيا په ۸ لوبو کي ۵ ګټلي او د جدول په دريم مقام کي ځای لري.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.