د ګربز  په نشتون کې ملتان سلطان درېیمه بریا ثبت کړه

د پاکستان سوداګریزو کرکټ لوبو په دوام ۲۱ مه لوبه د پېښور زلمي او ملتان سلطان ترمنځ ترسره شوه.

ملتان سلطان لوبډلې د ټاس په ګټلو سره لومړی توپ اچونه وکړه.

پېښورزلمي لوبډلې په ټولو اورونو کې د ۷ لوبغاړو په سوځېدو سره د کامران اکمل د ۳۵ منډو او د شېرفېن رترفورډ د ۵۶ منډو په مرسته ۱۶۶ منډې وکړې.

شهنواز داني د ملتان لپاره څلور لوبغاړي وسوځول.

ملتان سلطان لوبډلې لپاره لوبډلمشر محمد رضوان او سهیب مقصود خورا غوره لوبه وکړه؛ رضوان په ۵۶ توپونو د دوه شپږیزو او ۹ څلوریزو په مرسته ۸۲ ناسوځېدلې منډې او سهیب مقصود ۶۱ منډې وکړې.

ملتان سلطان د اوولسم اوور په درېیم توپ ځان هدف ته ورساوه او پېښورزلمي ته یې په ۸ وېکټو ماته ورکړه.

په دې لوبه کې ملتان سلطان سره رحمان الله ګربز نه و.

د لوبې غوره لوبغاړی شهنواز داني وپېژندل شو، هغه په ۴ اورونو کې ۳۱ منډې ورکړې او څلور لوبغاړي یې وسوځول.

نن ماخستن ۸ نیمې بجې کراچۍ کېنګز او اسلام اباد یونایټېډ د لیګ ۲۲ مه لوبه کوي.

ملتان سلطان لوبډلې د دې لوبې په بري سره خپلې نومرې شپږو ته پورته کړې؛ خو مخکې تګ یې ونه کړ.

د نومرو جدول

اسلام اباد یونایټېډ د لس نومرو په لرلو سره لومړی ځای لري، لاهور قلندرز د لس نومرو په لرلو سره دویم، پېښورزلمي ۸ نومرې لري درېیم مقام کې ده، کراچۍ کېنګز ۶ نومر، ملتان سلطان ۶ نومرې او کوېټې لوبډله ۲ نومرې لري.

د پاکستان سوپرلیګ پایلوبه د جون په ۲۴ مه لس ورځې وروسته ترسره کېږي.

تېرکال د دې لوبو اتلولي کراچي کېنګز ګټلې وه.

له دې وړاندې دوه ځلې اتلولۍ اسلام اباد یونایټېډ او دوه ځلې پېښورزلمي ګټلي دي.

فرید هوتک؛ د پاکستان پر وړاندې اعلان شوي نوملړ سره ۸۵ سلنه افغانان موافق دي

by سمیع الله درانی in سپورټ

  د کرکټ بورډ ویاند فرید هوتک په خپله فیسبوکپاڼه لیکلي، چې د پاکستان پر وړاندې درېیوو یو ورځنیو لوبو ته له اعلان شوې لوبډلې ۸۵ سلنه هېوادوال راضي دي او یاده لوبډله یې وړ ... نور ولولئ