د کرونا نوې بڼه؛ جنوبي افریقا وايي نړۍ دې تبعیض نه کوي

جنوبي افریقا د اروپايي هېوادونو او امریکا پر وروستۍ پرېکړه غبرګون ښوودلی دی.

وروسته له هغه چې اومیکرون ډوله کرونا ویروس په نړۍ کې خپور شو، نو برېټانیا او امریکا وویل چې دا له جنوبي افریقا خپور شوی او له دغه هېواد سره یې پر سفرونو بندیزو ولګاوه.

د جنوبي افریقا ولسمشر په تازه څرګندونو کې ویلي چې د امریکا دې ادعا ته علمي بنسټ نشته دی او د جنوبي افریقا پر وړاندې د دوی وروستۍ اقدام او د سفرونو بندیز له تبعیض ډک چلند دی.

په وروستیو اونیو کې په نړۍ کې د کرونا نوې بڼه خپره شوې، چې چټکه او خطرناکه بلل کېږي.

تر دې دمه په امریکا او ځینو اروپايي هېوادونو کې ددې ویروس مثبتې پېښې ثبت شوې دي.

د یادونې ده چې تېره ورځ متحده ایالاتو د اروپایي ټولنې په همغږۍ پر اوو افریقایي هېوادونو د سفر بندیز لګولی دی.

راپورونه وایي چې امریکا او اروپا وروسته تر هغه له اووه افریقایي هېوادونو زیمبابوې، نامیبیا، لیسوتو، ایسواتیني، موزمبیق او مالاوي څخه د الوتکو پر ورتګ بندیز ولګاوه چې په افریقا کې د کرونا وبا د یوې خطرناکې بڼې د کشفېدو راپور ورکړل شو.

د راپورونو له مخې، د روغتیا نړیوال سازمان د تېرې جمعې په ورځ په افریقا کې د اومیکرون په نوم د کرونا ویروس د یوې نوې خطرناکې بڼې ثبتېدو راپور ورکړ او نورې نړۍ ته یې پر خپرېدو ژوره خواشیني څرګنده کړه.

About عاقله اسد 1171 Articles
په کابل کې د یاران خبریاله