سپورټ کورنی کرکټ نړیوال کرکټ

د ډيويډ وارنر ۸۰ منډو او د راشدخان ۳ وکيټو پنجاب لوبډله کښته وغورځوله.

لیکنه: مدثر دعوت

ليکنه: مدثر دعوت

د هندوستان پريمرليګ په خورا مهم او حساس پړاو کي دی.

هره لوبډله غواړي ځان تر ۴ غورو پوري ورسوی، د چينای او ډهلي په څير پلې اف کي ولوبيږي.

تيره شپه د ياد ليګ په ۴۸مه لوبه کي سنرايزر حيدر اباد او کينګز ايليون پنجاب سره مخ سوه.

يوځل بيا ۳ افغان لوبغاړو ته چانس ورکول سوی وو.

د لوبي پچه پنجاب وګټله او توپ اچوونه يې انتخاب کړه.

حيدر اباد په شل اوورونو کي د ۶ لوبغاړو په سوځيدو ۲۱۳ منډي هدف وټاکی.

ډيويډ وارنر ۸۰، ساها ۲۸، منيش پانډې ۳۶، محمدنبي ۲۰ او ويليمسن ۱۴ منډي وکړې.

د پنجاب لپاره مورګن اشوين او ارشديپ سينګ يوه يوه وکيټه ، محمدشمې او رويچندرن اشوين بيا دوې دوې وکيټي ترلاسه کړې.

خو مجيب الرحمن چي تر زخمي کيدو وروسته يو ځل بيا اخيستل سوی وو،ډيره بدبخته شپه يې تيره کړه.

مجيب په ۴ اوورونو کي ۶۶ منډي ورکړې خو هيڅ وکيټه يې ترلاسه نکړه.

د ۲۱۳ منډو هدف د پوره کولو لپاره پنجاب هم بريدګره توپوهنه پيل کړه،خو ګيل يې ډير ژر د لاسه ورکړ.

لوکيش راهول ۷۹ ،کرکيس ګيل ۴، اګروال ۲۷،پوران ۲۱ او ډيويډ ميلر ۱۱ منډي وکړلې.

پنجاب په پوره ۲۰ اوورونو کي د ۸ لوبغاړو په سوځيدو ۱۶۷ منډي وکړې او د لوبي تر بريا ۴۵ منډي واټن پاته سو.

د حيدر اباد لپاره راشدخان يوځل بيا په زړه پوري توپ اچوونه ترسره کړه.

راشدخان په ۴ اوورونو کي ۲۱ منډي ورکړې ، ۳ مهمي وکيټي يې ترلاسه کړې,او پدې سره يې د IPL په ۳ کلن سفر کي خپلي ۵۰ وکيټي پوره کړې.

خليل احمد په ۴ اوورونو کي ۴۰ منډي ورکړې او ۳ وکيټي يې ترلاسه کړې، سنديپ شرما بيا ۲ وکيټي ترلاسه کړې.حيدر اباد په ۴۵ منډو پنجاب ته ماته ورکړه.

ډيويډ وارنر د لوبي غوره لوبغاړی سو او راشدخان بيا د لوبي د بدلوونکي لوبغاړي جايزه وګټله.

وارنر په سږ کال IPL کي ۶۹۲ منډي وکړې ، نور يې د حيدر اباد سره خپل سفر ختم کړ ، اسټراليا ته ځي او د نړيوال جام لپاره تمريناتي کمپ سره يوځای کيږي.

حيدراباد په ۱۲ لوبو کي ۶ لوبي ګټلي د جدول په څلورم ځای کي قرار لري.

او پنجاب لوبډلي بيا په ۱۲ لوبو کي ۵ ګټلي او د څلورم ځای څخه شپږم ته وغورځيدله.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.