Advertisements
سپورټ نړیوال کرکټ

د پاکستان لیګ د کویټي ګلډیټرز په بریا سره پيل سو!

پرون پنجشنبه د پاکستان هیواد د کرکیټ سوپر لیګ یا پي ایس ایل سیالۍ په یو لړ خاصو مراسمو سره راپيل سوې، چي تر مراسمو وروسته په لومړۍ لوبه کي کویټي ګلډیټرز ـ اسلام آباد یونایټیډ ته په ۳ ویکیټو ماته ورکړه.

په یاده لوبه کي لومړی اسلام آباد یونایټیډ لوبډلي توپوهنه وکړه. دې لوبډلي د لوبي په ۱۹،۱ آورونو کي د ټولو لوبغاړو په سوځېدو سره ۱۶۸ منډي جوړي کړې او سیالي لوبډلي ته ئې د ۱۶۹ منډو هدف وټاکه.

کله چي کویټه ګلډیټرز ټیم د توپوهني لپاره میدان ته کښته سو، نو د اسلام آباد یونایټیډ له لوري ورکړل سوی هدف ئې د لوبي په ۱۸،۳ آورونو کي د ۷ لوبغاړو په سوځېدو سره پوره کړ او په دې سره ئې په ۷ ویکیټو اسلام اباد یونایټیډ ته ماته ورکړه.

د دې لیګ په دوهمه لوبه کي نن غرمه ۱:۳۰ بجه کراچي کینګز او پېښور زلمي لوبډلي یو د بل په وړاندي میدان ته کښته کیږي.

دا د دې لیګ پنځم پړاو دئ، چي ټولي سیالۍ به ئې د بهرنیو هیوادونو پرته په پاکستان کي دننه ترسره سي.

په دې لیګ کي ۶ لوبډلي اسلام آباد یونایټیډ، کراچي کینګز، لاهور قلندرز، ملتان سلطانز، پيښور زلمي او کویټه ګلډیټرز برخه والي دي، چي ټولي لوبډلي به یو د بل په وړاندي سیالۍ ترسره کړي.

د دې لیګ پيل نن د فیبرورۍ میاشتي په ۲۰مه کیږي او د راتلونکي مارچ میاشتي تر ۲۲مي نېټې پوري به دوام وکړي.

د دې لیګ د تېر کال اتلولي کویټې ګلډیټر کرکیټ لوبډلي خپله کړې وه.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ