سپورټ نړیوال کرکټ

د ټیسټ د تاريخ يوبل ريکارډ د راشدخان په نوم سو!

لیکنه: مدثر دعوت

ليکنه: مدثر دعوت

اصغر افغان تر ۲۰۱۹ز کال نړيوال جام وړاندي د لوبډلمشرۍ څخه ليري کړل سو .

ګلبدين نائب د يو ورځنيو،راشدخان د شل اووريزو او همدارنګه رحمت شاه د ټيسټ کريکټ لوبډلمشر وټاکل سو.

رحمت شاه په خپلي لوبډلمشرۍ کي هيڅ لوبه ونه کړله او راشدخان هم د شل اووريزو لوبو د لوبډلمشرۍ څخه ليري کړل سو.

خو لاهم جنجالونه روان وه ،ګلبدين نائب يوازي د نړيوال جام تر وروستيو لوبډلمشر پاتي سو، او وروسته تر ډيرو ناندريو راشدخان د افغانستان د کريکټ ملي لوبډلي د ټولو برخو لوبډلمشر وټاکل سو.

ځينو دا پريکړه وغندله او ځينو يې هر کله وکړ.

په هرصورت؛ راشدخان د بنګلديش په وړاندي په ټيسټ لوبه کي د لوبډلمشر په حيث ټاس پورته کړ، چي دا مهال نوموړی د ۲۰ کلونو او ۳۵۰ ورځو په عمر وو.

د ټيسټ کريکټ په تاريخ کي تر ټولو کشر او ځوان لوبډلمشر ټاټينډا ټایبو وو چي د ۲۰ کلونو او ۳۵۸ ورځو په عمر د زيمبابوې لپاره د سريلانکا په وړاندي ټيسټ لوبه کي ټاس پورته کړ.

او په دريم مقام کي ماک پټوډي د ۲۱ کلونو او ۷۷ ورځو په عمر وو.

خو اوس مهال راشدخان دا ريکارډ په خپل نوم ثبت کړ او په دې ځوان عمر کي داسي بريښي چي پر لوبډله برلاسی دی او لوبغاړي يې په مرال کي دي.

راشدخان تر ټاس پورته کولو وروسته ويلي وو وياړم چي په کم عمر کي لوبډلمشر سوم او موږ به په پوره کوښښ سره ښه لوبه کوو.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.