سپورټ

د ولسي جرګې یو شمېر غړو د کرکیټ بورډ رئیس وستایه

د پنجشنبې په ورځ د ولسي جرګې یو شمېر غړي افغان کرکیټ بورډ ته ورغلي وه او هلته ئې د افغانستان د کرکیټ بورډ رئيس فرهان یوسفزی وستایه.

د افغانستان کرکیټ بورډ وايي، چي د ولسي جرګې دې غړو فرهان یوسفزی د وروستیو لارسته راړونو او فعالیتونه په خاطر وستایه.

د بورډ په خبره، چي د ستایني په یاده غونډه کي د ولسي جرګې په استازولۍ د ولسي جرګې د بهرنیو اړیکو کمېسیون مشر انجنیر هلمند هلمند، ګل احمد کمین، حمیدالدین یول راش او ګل زمان نایب خبري وکړې.

دوی په نړیواله کچه د افغان کرکیټ لاسته راوړني د قدر وړ وبللې او زیاته ئې کړه، چي دوی به تل د افغانستان د کرکیټ د پرمختګ ملاتړ کوي.

هغوی په دې وروستیو وختونو کي د ملي لوبغاړو ترمنځ د راپورته سوو جنجالونو د حل په اړه د فرحان یوسفزي هڅي وستایلې.

د ولسي جرګې یادو غړو پر ټولو مینوالو ږغ وکړ، چي د کرکیټ د پرمختګ لپاره د افغان کرکیټ بورډ سره یو ځای کار وکړي، تر څو په داخلي او نړیواله کچه د افغانستان کرکیټ وده وکړي.

د افغانستان د کرکیټ بورډ رئیس فرهان یوسفزي وویل، چي د ولسي جرګې د غړو یاده ستاینه به د ده د کار کولو انرژي لا قوي کړي.

هغ وویل ((کرکټ بور‌‌‌‌‌‌ډ یوه ملي اداره ده او دې ادارې ته د هر افغان هیلې او امیدونه شته ترڅو ترې خوشحاله خبرونه ترلاسه کړي.))

د ولسي جرګې دې غړو په داسي مهال د کرکیټ بورډ رئيس وستایه، چي ډیری د کرکیټ افغان مینوال فرهان یوسفزی د کرکیټ په برخه کي د مسلکیتوب له اړخه په نه پوهېدني تورنوي.

دوی وايي، چي په کرکیټ بورډ او د کرکیټ په ملي لوبډله کي رامنځته سوي وروستي جنجالونه هم د فرهان یوسفزي له لوري رامنځ ته سوي.

پر فرهان یوسفزي وروسته له هغه دا نیوکي کیږي، چي څه موده مخکي هغه د راشد خان پر ځای یو ځلي بیا اصغر افغان د ملي لوبډلي لوبډلمشر وټاکه.

د هغه ترڅنګ دا نیوکي وروسته له هغو هم زور واخیست، چي کرکیټ بورډ په روان ۲۰۲۰م کال کي د ملي لوبډلي لوبیز سفرونه اعلان کړل، چي پکښي یوازي د نړیوال جام او آسیا کپ لوبي شاملي دي، خو نوري هیڅ لوبي په پلان کي نلري.

 

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.