سپورټ فوټبال نړۍ

د وخت وتلی نړیوال فوټبالر رونالدینیو له زندان آزاد شو!

د فوټبال په برخه کي د نړۍ پخوانی او وتلی برازیلی فوټبالر پاراګوای هیواد ته داخلېدو په وخت کښي د جعلي پاسپورټ پر استعمالولو نیول سوی وو او له هغه وروسته په پاراګوی هیواد کي زندان ته لېږل سوی وو

د یاد فوټبالر سره د هغه ورور هم د جعلي پاسپورټ د استعمال له امله بندی سوی وو او دواړو ته د ۶ میاشتني زندان سزا اورول سوې وه.

خو اوس تازه هغه د ۱،۶ میلیونه ډالرو په بدل راخوشي سو.

هغه په زندان کي له ۶ میاشتي سزا څخه یوه میاشت تېره کړه، چي اوس به پاته ۵ میاشتي نوري په یوه کور کي تر نظر بند لاندي تېروي.

رونالدینیو او ورور ئې په خپلو ادعاوو کي ویلي وه، چي دوی دوکه خوړلې او دوی فکر کاوه، چي د پاراګوای هیواد د قضا برخي راته یاد پاسپورټونه د تحفې په ډول ډالۍ کړي.

جالیبه خو لا داده، چي رونالدینیو په یاد زندان کي د زندانیانو ترمنځ د فوټبال په سیالیو کي هم ګډون وکړ، چي لوبډلي ئې د ده په وسیله لومړی مقام وګاټه او رونالدینیو د یادو سیالیو تر ټولو مخکښ ګولوهونکی وپېژندل شو.

دا په داسي حال کي ده، چي برازیلیان و پاراګوای هیواد ته پر تګ هیڅ ډول پاسپورټ ته اړتیا نلري.

رونالدینیو او ورور ئې په یوې تبلیغاتي او د کوچنیانو لپاره یوې خیریه خپروني کي د ګډون په موخه پاراګوای هیواد ته سفر کړی وو.

۳۹ کلن رونالدینیو د خپلي برازیلۍ ملي لوبډلي ترڅنګ ګرمیو، پاریس سن ژرمین، بارسلونا، اث میلان، فلامینګو، اتلاتیکو ماډریډ، کرتارو او فلومیننزه فوټبال کلبونو لپاره سیالۍ ترسره کړي دي.

هغه د برازیل لپاره ۹۷ او د کلبونو لپاره بیا ۴۴۱ لوبي ترسره کړي دي، چي د هیواد لپاره ئې په ۹۷ لوبو کي ۳۳ او د کلبونو لپاره ئې بیا په یادو ۴۴۱ لوبو کي ۱۶۷ ګولوهني ترسره کړي دي.

لنډه دا چي د فوټبال نړیوالو مبصرینو رونالدینیو ته د فوټبال په برخه کي د شاعر لقب ورکړی.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ