د هند او پاکستان تر منځ د کرکټ سیالیو د ترسره کولو هڅې روانې دي

لیکنه: ابوبکر علیزی
د پاکستاني او هندي چارواکو تر منځ د کرکټ دسیالیو برابرولو په موخه هلې ځلې راونې دي تر څو دواړه لوبډلې سره خپلو کې سیالۍ وکړي.
په پاکستان کې د هند لوړ پوړي کمشنر اجی بساریا ویلي چې د پاکستان او هند کرکټ بورډونو تر منځ خبرې روانې دي، څو د دواړو هیوادونو تر منځ د کرکټ ویجاړې شوې اړیکې ورغوي او د سیالیو لپاره زمینه سازي وکړي.
اجی بسایار په لاهور کې رسنیو ته د پاکستان او هند تر منځ د کرکټ د سیالیو په تړاوو ویلي چې د سیالیو او سفرونو برابرول د کرکټ بورډ کار دی، خو وایي د دواړو هیوادونو د کرکټ لوبډلو تر منځ د سیالیو د ترسراوی په موخه هڅې پيل شوي او ژر ده چې نتیجه به یې مثبته وي.
دی هېله لري چې د دواړو هیوادونو د کرکټ لپاره زمینه سازي ډېر ژر وشي.
نوموړي ویلي چې په پاکستان او هندوستان دواړو هېوادونو کې د کرکټ مینوالو کچه ډېره زیاته ده او هېله ده چې د دواړو لوبډلو تر منځ به د سیالیو خبر ژر خپور شي.
د هندوستان دغه لوړپوړي کمېشنر د کرکټ د سیالیو سربېره په یو شمېر نورو مهمو مسائلو هم د پاکستان د چارواکو سره خبرې کړي.
پاکستان او هندوستان دواړو هېوادونو تر منځ نه یوازي دا چې سیاسي اړیکې ترینګلې دي، بلکې همدغه خرابو اړېکو یې په نورو برخو هم اغېزه کړې.

د دواړو هېوادنو سیاسي اړيکو د دغه هیوادونو تر هر څه ډیر په کرکټ هم بد تاثیر کړی او تر منځ یې سریزونه او دوستانه سیالۍ ډېر کم وخت تر سترګو کیږي.
موده وړاندې د پاکستان کرکټ بورډ چارواکو ویلي ول، دا چې هندوستان کرکټ بورډ ورسره د سیالیو لپاره نه راضي کیږي نو په لکونه ډالر تاوان ورسیدلی.
د پاکستان کرکټ بورډ مشر نجم سټی ویلي وه، چې په دې تړاوو به خپل عرض د کرکټ تر نړیوالې شورا هم ورسوي.
خو یوځل بیا د دواړو هېوادونو تر منځ دکرکټ د دوستۍ د تازه کېدو خبرونه داسې مهال راغلي چې موده وړاندې پاکستان لوبډلې د اسیایې کپ سیالیو لپاره چې ټاکل شوي هندوستان کې ترسره شي له ورتګه انکار کړی و او لا تر اوسه هم معلوم نه دی چې پاکستان لوبډله به په ۲۰۱۸م کال اسیایې سیالیو کې برخه واخلي او کنه.