سپورټ کورنی کرکټ نړیوال کرکټ

د هندوستان پريمرليګ ۴۹مه لوبه باران وګټله.

لیکنه: مدثر دعوت
اعلان

ليکنه: مدثر دعوت

د هندوستان پريمرليګ ۴۹مه لوبه د بنګلور او راجستان ترمنځ وه.

د لوبي پچه راجستان وګټل او توپ اچونه يې انتخاب کړه.

تر ټاس اچولو وروسته د بنګلور په لوبغالي کي باران شروع سو او لوبه تر ۴ ساعته ډير ځنډ وروسته پيل سوه.

دا چي لوبه ډيره مهمه وه او د پلې اف لپاره د لوبډلو چانس ډيريدی نو ځکه لوبه يې ۵ اوورونو ته راکښه کړه.

پاورپلې ۲ اووره سوه او هر توپ اچوونکي يو يو اوور ترسره کولای سو.

ويرات کهولي او اې بي ډيولرز ښه پيل وکړ او د راجستان د توپ اچوونکي ارون څخه يې په لومړي اوور کي ۲۳ منډي واخيستې.

خو په دويم اوور کي د لوبي رنګ بدل سو.

شرياس ګوپال د ويرات کهولي ،اې بي ډيولرز او سټونيس ۳ واړو ويکټي پرلپسې واخيستلې او په سږکال کي دويم توپ اچوونکی سو چي په IPL کي هيټريک کوي.

بالاخره بنګلور په په ۵ اوورونو کي د ۷ لوبغاړو په سوځيدو راجستان ته ۶۳ منډي هدف ورکړ.

راجستان ۳ اوورونه ولوبول ۴۱ منډي يې وکړلې خو د څلورم اوور په دويم توپ د سنجو سمسون ويکټه ولاړه او ورسره باران يو ځل بيا پيل سو.

د باران د ډيرښت او ناوختۍ له کبله نور امکان نه وو چي لوبه دي وسي نو ځکه هري لوبډلي ته يوه يوه نومره ورکول سوه او لوبه بې نتيجې سوله.

پدې سره نور د بنګلور مخته تګ امکان نسته یوازي به خپله يوه پاته لوبه کوي او راجستان لاهم د مخته تګ چانس لري.

هيره دي نه وي چي نن ماښام ۰۷:۰۰ بجې د چينای سوپرکينګز او ډهلي کاپيټلز لوبه ده.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.