سپورټ کورنی کرکټ

د هلمند ۱۶ کلونو لوبډلي د زابل ۱۶ کلونو ته ماته ورکړه.

لیکنه: مدثر دعوت

ليکنه: مدثر دعوت

د بست زون د ۷ ولايتونو ترمنځ د ۱۶ کلونو لوبډلو ترمنځ د کريکټ سيالۍ پيل سو.

د ټورنمينټ په لومړنۍ لوبه کي هلمند وکولای سوله چي د زابل لوبډلي ته په ۵ ويکټو ماته ورکړي.

د لوبي پچه زابل وګټله او د توپوهني پريکړه يې وکړه.

زابل په ۳۲.۰۲ اوورونو کي ۲۰۷ منډي هدف وټاکی.

د زابل لپاره محمد اصف ۵۲ او وحدت ۴۶ منډي وکړې.

په توپ اچوونه کي د هلمند لپاره ميهن ارمان ۶ او نذيراحمد ۴ ويکټي ترلاسه کړلې او د زابل ټوله لوبډله یې په ۳۲.۰۲ اوورونو کي وسوځوله.

هلمندۍ لوبډلي لکه څنګه چي غوره توپ اچوونه يې ترسره کړه د پام وړ توپوهنه یې هم وکړله.

د هلمند لپاره عبدالنافع ۶۷، رحمت الله ۴۹ او خان محمد ۳۱ منډي وکړې.

د زابل لپاره عمران او حميدالله دوې،دوې ويکټي ترلاسه کړې.

د هلمند ۱۶ کلونو لوبډله په ۳۶.۲ اوورنو کي هدف ته ورسيده او په ۵ ويکټو يې د زابل ۱۶ کلونو ته ماته ورکړه.

هلمندي تنکي ځوان ميهن ارمان چي ۶ ويکټي يې ترلاسه کړې د لوبي د غوره لوبغاړي جائزه وګټله.

هيره دي نه وي چي سبا د زابل او فراه لوبډلو ترمنځ لوبه ترسره کيږي.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.